|
“Ekol Mühəndislik Xidmətləri” QSC 2015-ci ildə bütün fəaliyyət sahələrində uğurlu nailiyyətlər əldə etmişdir. Müəssisədə fəaliyyət göstərən Tullantıların Emalı Departamenti (TED) də “Sifarişçi” təşkilatların müqavilə öhdəliklərini müvəffəqiyyətlə yerinə yetirmişdir.
2015-ci ildə TED-nin 6-cı sahəsində (Heydər Əliyev adına NEZ-nun 9-cu sahəsi ərazisi) NEZ-nun 10 milyon 512 min m3 sənaye çirkab suları, texnoloji proseslər nəticəsində formalaşan 14 min 517 ton neftşlam emal olunaraq zərərsizləşdirilmişdir. İl ərzində TED-nin 4-cü sahəsində isə 4 milyon 391 min 916 m3 sənaye çirkab suları təmizlənmiş, 7 min tondan çox neftşlam emal olunaraq zərərsizləşdirilmişdir.
Hesabat ilində, TED müqavilə əsasında “AA SERVİCES”, AAS- ATE” MMC, “Suraxanı OİL Opereyşn Compani S.A.”, SOCAR-ın Ekologiya İdarəsi, “Azərbaycan Xəzər Dəniz Gəmiçilik” QSC-nin Dəniz Neft Donanması, Qaz Emalı Zavodu, “ AAS-Ekol” MMC və s. “Sifarişçi” təşkilatlara yüksək səviyyədə xidmət göstərmişdir. İl ərzində bu təşkilatlardan qəbul edilmiş 103,76 tona qədər ərsin parafin, 5 min 208 ton şlam, 1 ton neftşlam, 21 min m3 yağlı su, 32 tona qədər yağlı torpaq, 2 min 563 m3 döşəməaltı-lyal axıntı suları, 24 min 903 m3 mədən axıntı suları və digər tullantılar mexaniki üsullarla emal olunaraq zərərsizləşdirilmişdir .
2016-cı ildə “Sifarişçi” təşkilatlara yüksək səviyyədə xidmət göstərilməsi və istehsalatın fasiləsizliyinin təmin edilməsi üçün TED zəruri tədbirlərin həyata keçirilməsinə başlamışdır.
tarix : 05.02.2016
|
ana səhifə
Satınalma
əlaqə
Futzal
Alternativ Enerji
Bu maraqlıdır
