|
Ötən əsrin ən ağır faciəsi olan Xocalı soyqırımı Ermənistan-Azərbaycan, Dağlıq Qarabağ münaqişəsinin ən dəhşətli səhifəsidir.
1992-ci il fevralın 25-dən 26-na keçən gecə erməni hərbi birləşmələri, Xankəndində yerləşən keçmiş sovet ordusunun 366-cı alayın köməkliyi ilə Xocalıda azərbaycanlılara qarşı etnik soyqırım aparmışlar. Xocalını zəbt etmiş erməni təcavüzkarları 613 dinc sakini, o cümlədən 106 qadını, 63 uşağı, 8 ailə, 70 ahıl insanı amansızlıqla, 56 nəfəri xüsusi qəddarlıqla və işgəncə ilə qətlə yetirdilər, 150 xocalılı itkin düşdü, 1275 nəfəri isə əsr götürdülər. Amansız qətllərlə dünya tarixində silinməz izlər buraxan Xocalı soyqırımı, əslində erməni təcavüzkarlarının yalnız Azərbaycan xalqına deyil, insanlığa qarşı ən ağır cinayəti, bəşəriyyətə yönəldilmiş qəddarlıq təcəssümü idi.
Bəşər tarixinin ən böyük faciələrindən biri olan Xocalı soyqırımının 24-cü ildönümü ilə əlaqədar “Ekol Mühəndislik Xidmətləri” QSC Nizami rayon YAP təşkilatı ilə birlikdə Xocalı abidəsini ziyarət etmiş və önünə tər çiçəklər düzmüşlər.
Fevralın 26-da QSC-nin istehsalat sahələrində də tədbirlər keçirilmişdir. Tədbirdə çıxış edən baş direktorun məsləhətçisi Kamil Akimov, Tullantıların Emalı Departamentinin rəisi Zeynal Babayev, Həmkarlar İttifaqının sədri Əli Ələkbərov və başqaları öz çıxışlarında Xocalı faciəsinin Ermənistanın Dağlıq qarabağı işğal etmək məqsədi ilə apardığı işğalçılıq müharibəsinin gedişində, dinc azərbaycanlı əhaliyə qarşı törətdiyi soyqırımı cinayətlərinin miqyasına görə ən dəhşətlisi olduğunu vurğulamışlar. QSC-nin istehsalat sahələrində faciəni əks etdirən stendlər təşkil olunmuş, əmək kollektivlərində anım mərasimləri keçirilmişdir.
Tədbirlərin sonunda Xocalı faciəsi qurbanlarının ruhu bir dəqiqəlik sükutla yad edilmişdir.
tarix : 26.02.2016
|
ana səhifə
Satınalma
əlaqə
Futzal
Alternativ Enerji
Bu maraqlıdır
