Xidmətlərimiz
|
|
|
|
“Ekol Mühəndislik Xidmətləri ” QSC-də Ümumdünya Mülki Müdafiə Günü ilə əlaqədar tədbir keçirilmişdir.
|
Beynəlxalq Mülki Müdafiə Təşkilatının təşəbbüsü ilə hər il bütün dünyada 1 mart “Ümumdünya Mülki Müdafiə Günü” kimi qeyd olunur. Təşkilatın üzvü olan Azərbaycan Respublikasının ərazisində hər il bu əlamətdar gün münasibəti ilə silsilə tədbirlər keçirilir.
01 mart 2016-cı il tarixdə “Ekol Mühəndislik Xidmətləri” QSC-də 1 mart "Ümumdünya Mülki Müdafiə Günü" ilə əlaqədar tədbir keçirilmişdir. Nizami və Xətai rayon Fövqəladə Hallar və Mülki Müdafiə şöbəsinin təsdiq etdiyi tədbirlər planına uyğun olaraq, QSC-nin bütün xidmət sahələrinə bu tədbir barədə xəbərdarlıq rabitə vasitəsilə çatdırılmış, foto sərgilər təşkil olunmuş və MM manqaları ilə birgə toplantılar keçirilmişdir. QSC-nin baş direktorunun istehsalat üzrə müavini-Texniki direktor tədbiri çıxış sözü ilə açaraq, Mülki Müdafiə günü barədə ətraflı məlumat vermişdir. Texniki təhlükəsizlik şöbəsinin rəisi Səbuhi Veysəlov və Manqa komandirləri tədbirdə çıxış edərək, Mülki Müdafiənin insanların həyatındakı rolundan ətraflı danışmış və bu sahəyə cavabdeh şəxslərin daha da məsuliyyətli olmaları tövsiyə edilmişdir. Mülki Müdafiə Qərargahının rəisi Fuad İmanov QSC-də Mülki Müdafiə üzrə görülən işlər və qarşıda duran vəzifələr barədə tədbir iştirakçılarına geniş məlumat vermişdir. Sonra MM sahəsinə aid sərbəst mövzularda geniş müzakirələr aparılmışdır. Sonda MM qüvvələrinin hazırlığının obyekt məşqinin video roliki izləyicilərə təqdim olunmuşdur.
tarix : 02.03.2016
|
|
|
|
|
|
|