Xidmətlərimiz
|
|
|
|
“Ekol Mühəndislik Xidmətləri” QSC-də 8 Mart Beynəlxalq Qadınlar Günü ilə əlaqədar tədbir keçirilmişdir
|
Hər il dünyanın bir çox ölkələrində olduğu kimi, müstəqil Azərbaycan Respublikasında da 8 Mart- Beynəlxalq Qadınlar günü istirahət günü olmaqla, böyük təntənə ilə qeyd edilir.
Martın 7-də “Ekol Mühəndislik Xidmətləri” QSC-nin baş ofisində və istehsalat sahələrində də 8 Mart Beynəlxalq Qadınlar Günü münasibətilə silsilə tədbirlər keçirilmişdir. Tədbirlərdə çıxış edənlər müasir həyatımızda, dövlət quruculuğunda və ölkəmizin iqtisadi inkişafında qadınların əvəzedilməz rolunu xüsusilə qeyd etmişlər. Çıxışlarda QSC-nin kollektivində müxtəlif sahələrdə çalışan 92 nəfər qadınların əməyi yüksək qiymətləndirilmiş, onları bayram münasibətilə təbrik edərək can sağlığı, uzun ömür və işlərində müvəffəqiyyətlər arzulanmışdır. Sonda QSC-nin rəhbərliyi tərəfindən qadın kollektivinin hər bir üzvünə tər çiçəklər və hədiyyələr təqdim olunmuşdur. Tədbirdə iştirak edən kollektivin qadın üzvləri göstərdikləri diqqət və qayğıya görə QSC rəhbərliyinə öz dərin təşəkkürlərini bildirmişlər.
tarix : 07.03.2016
|
|
|
|
|
|
|