|
Hər il yaz mövsümü ilə əlaqədar olaraq SOCAR-ın çoxsaylı kollektivi iməciliklər keçirir, istehsalat sahələrində yaşıllaşdırma və abadlıq işləri aparılır.
Aprelin 2-də SOCAR-ın rəhbərliyinin iştirakı ilə Şirkətin bütün idarə və müəssisələrində növbəti genişmiqyaslı iməcilik keçirilmişdir.
Tədbirdə, SOCAR-ın prezidenti Rövnəq Abdullayev və digər rəhbər heyyət Azneft İB –nin “Abşeronneft” NQÇİ-nin mədən ərazisində olmuş, ümumi ekoloji vəziyyətlə və yaşıllaşdırma işləri ilə maraqlanmış, ağac əkmişdir.
Keçirilən iməcilikdə SOCAR-ın idarə və müəssisələrinin kollektivləri eləcə də, Ekol Mühəndislik Xidmətləri QSC-nin kollektivi fəal iştirak etmiş, Abşeronneft NQÇİ və Bibiheybətneft NQÇİ-də agaclar əkilmiş, əvvəllər salınmış yaşıllıqlara qulluq olunmuş, abadlıq işləri aparılmışdır. Ümumilikdə bu iməclikdə 6000 agac əkilmişdir.
Həmçinin “Ekol Mühəndislik Xidmətləri” QSC-nin bütün istehsalat və xidmət sahələrində də iməclik keçirilmişdir.
İməcilik zamanı istehsalat sahələrində təmizlik və abadlıq işləri aparılmış, eyni zamanda yanğın təhlükəsizliyinin təmin edilməsi məqsədilə mexaniki təmizləyici qurğuların ətrafı alaq otlarından təmizlənmiş və tullantılar sahədən kənarlaşdırılmışdır.
"Ekol Mühəndislik Xidmətləri" QSC-də iməciliyin növbəti ayların şənbə günlərində keçirilməsi nəzərdə tutulmuşdur.
tarix : 02.04.2016
|
ana səhifə
Satınalma
əlaqə
Futzal
Alternativ Enerji
Bu maraqlıdır
