Xidmətlərimiz
|
|
|
|
“Ekol Mühəndislik Xidmətləri” QSC-nin yaranmasının 10 illiyi ilə əlaqədar olaraq istehsalat sahələrində iməcilik keçirilmişdir
|
Aprelin 16-da "Ekol Mühəndislik Xidmətləri" QSC-nin yaranmasının 10 illiyi ilə əlaqədar geniş miqyaslı tədbir keçirilmişdir.
Bu tədbir çərçivəsində "Ekol Mühəndislik Xidmətləri" QSC-nin bütün fəaliyyət sahələrində iməcilik keçirilmişdir. İməcilikdə rəhbərlik və kollektivin çoxsaylı nümayəndələri iştirak etmiş, tədbir QSC-nin O.Vəliyev 1 ünvanında (Heydər Əliyev adına NEZ-nun 9-cu sahəsi) yerləşən istehsalat sahələrini, eləcə də Azneft IB-nin “Abşeronneft”, “BibiHeybətneft”, H.Z.Tağıyev adına NQÇİ-nin mədən ərazilərindəki, həmçinin "SOCAR"-ın Qaz Emalı Zavodunun ərazisindəki yaşıllıq sahələrini əhatə etmişdir. İməcilik zamanı istehsalat sahələri alaq otlarından, eləcə də digər tullantılardan təmizlənmiş, abadlıq və yaşıllıqlara qulluq işləri yerinə yetirilmişdir. Xatırladaq ki, "Ekol Mühəndislik Xidmətləri" QSC-ti SOCAR (51%) və "Lancer Services SA" (49%) təsisçiliyi ilə 01 mart 2006-cı il tarixdə yaradılmış və 17 aprel 2006-cı il tarixdə hüquqi şəxs kimi dövlət qeydiyyatından keçmişdir. "Ekol Mühəndislik Xidmətləri" QSC-də iməcliklərin növbəti aylarda da keçirilməsi nəzərdə tutulmuşdur.
tarix : 16.04.2016
|
|
|
|
|
|
|