2004-cü ildən etibarən Azərbaycanda da "Ümumdünya Əməyin Mühafizəsi Günü" dövlət səviyyəsində qeyd olunur. Hər il müxtəlif mövzuya həsr olunmuş bu günü 2016-cı ildə "Əməyin Mühafizəsində önləyici tədbirləri birgə yüksəldək" devizi altında keçirilməsinə qərar verilmişdir.
Aprelin 28-də "Ekol Mühəndislik Xidmətləri" QSC-də “28 aprel - Ümumdünya Əməyin Mühafizəsi Günü ” nə həsr olunmuş tədbir keçirilmişdir”. Tədbirə QSC-nin rəhbərliyi, ayrı-ayrı struktur bölmələrinin rəhbərləri, mühəndis və texniki işçilər qatılmışlar. Tədbirdə QSC-nin Ekoloji Monitorinq Departamentinin rəisi Şahabiddin Albuşov, Həmkarlar İttifaqı Komitəsinin sədri Əli Ələkbərov və Texniki təhlükəsizlik şöbəsinin rəisi Səbuhi Veysəlov çıxış etmişlər.
   Çıxışlarda "Ümumdünya Əməyin Mühafizəsi Günü" ilə əlaqədar QSC üzrə həyata keçirilən tədbirlər, sağlam və təhlükəsiz əmək şəraitinin təmin olunmasına yönəldilmiş təşkilatı, texniki və sanitar-profilaktiki işlər haqqında geniş məlumat verilmiş, bu məsələnin daim diqqət mərkəzində olduğu xüsusilə vurğulanmışdır.
   Texniki təhlükəsizlik şöbəsinin rəisi Səbuhi Veysəlov öz çıxışında QSC-nin Əməyin mühafizəsi üzrə Daimi Fəaliyyət göstərən Komissiyanın fəaliyyətindən danışmış, bu sahədə görülən müsbət işlərlə yanaşı mövcud nöqsanlar və onların aradan qaldırılması istiqamətində həyata keçirilən tədbirlər barədə geniş məlumat vermişdir. O, qeyd etmişdir ki, QSC-də “İş yerində stress” mövzusunda bir sıra  tədbirlərin həyata keçirilməsi nəzərdə tutulur. Bu tədbirlərdə də işçilərin iştirakı maksimum dərəcədə təmin ediləcəkdir.
   Tədbirin sonunda əməyin mühafizəsi sahəsində göstərdikləri yüksək peşəkarlığa görə, İnzibati-təsərrüfat şöbəsinin xarratı Ələkbər Məlikov, TED-nin  6-cı sahəsinin operatoru Ramal Rəsulov, TED-nin 5-ci sahəsinin operatoru Vurğun Babayev, TRD-nin 1-ci sahəsinin bağbanı Yasin Bəkdəmirov QSC-nin  rəhbərliyinin "Təşəkkürnamə"si ilə təltif olunmuşlar.

tarix : 28.04.2016