I-ci rübdə Heydər Əliyev adına NEZ-dan TED-nin 6-cı sahəsinin ( NEZ-in  9-cu sahəsinin ərazisi) mexaniki təmizləyici qurğularına daxil olan 2 milyon 113 min m3-dən çox sənaye çirkab suları neft məhsullarından və mexaniki qarışıqlardan  (yanvar ayında  511 917 m3, fevral ayında 565 117 m3, mart ayında isə 1 036 037 m3 ) təmizlənmişdir.
   Rüb ərzində TED-nin 3-cü sahəsinə “AAS-Ekol” MMC-dən müqavilə əsasında daxil olan 35,16 ton ərsin parafini sudan və mexaniki qarışıqlardan ayrılmış, texnoloji proseslər nəticəsində formalaşan 3 min 810 tona qədər neftşlam müasir texnologiyalarla emal edilərək zərərsizləşdirilmişdir.
   Ötən üç ayda TED-nin 4-cü sahəsində də (Heydər Əliyev adına NEZ-in 9-cu sahənin ərazisi) işlər yüksək səviyyədə təşkil olunmuşdur. Bu müddət ərzində 4-cü sahədə 768 884 m3-ə qədər sənaye çirkab suları (yanvar ayında  309 384 m3, fevral ayında 219 min m3, mart ayında isə 240 500 m3 ) təmizlənmişdir.
   QSC-nin 4-cü sahəsində 1363 ton  neftşlam emal edilərək zərərsizləşdirilmişdi.
2016-cı ilin I-ci rübündə TED müqavilə əsasında “AA Services”, “AAS-ATE” MMC, “Surakhany Oil Operation Company S.A.”, SOCAR-ın Ekologiya İdarəsi,  Qaz Emalı Zavodu, “AAS-Ekol” MMC, Dövlət Xəzər Dəniz Gəmiçiliyi QSC, və  İxtisaslaşdırılmış Dəniz Neft Donanma İdarəsi və s. “Sifarişçi” təşkilatlara yüksək səviyyədə xidmət göstərmişdir. Rüb ərzində bu təşkilatlardan qəbul edilmiş 316 ton şlam, 6 min 946 m3 yağlı su, 10,50 ton yağlı torpaq, 563 m3  döşəməaltı-lyal axıntı suları, 4 min 704 m3 mədən axıntı suları və digər tullantılar mexaniki üsullarla emal olunaraq zərərsizləşdirilmişdir.
   Bununla yanaşı, TED I-ci rübdə “Kompleks Qazma İşləri” tresti ilə olan müqaviləyə əsasən həmin ərazidən 693 m3 çirkab suları, 288 ton qazma şlam daşınaraq SOCAR-ın Ekologiya İdarəsinin Tullantı Mərkəzinə təhvil verilmişdir.
   2016-cı il ərzində “Sifarişçi” təşkilatlara yüksək səviyyədə xidmət göstərilməsi və istehsalatın fasiləsizliyinin təmin edilməsi üçün TED zəruri tədbirləri həyata keçirilməsinə başlamışdır.
   QSC-nin TED hazırda müxtəlif növ tullantıların idarə olunması, emal edilməsi və zərərsizləşdirlməsi sahəsində fəaliyyətini texnoloji reqlamentə uyğun və yüksək templə davam etdirir.