Standartların şərtlərinə uyğun olaraq ötən müddətdə Türk Standartları İnstitutunun auditorları tərəfindən  QSC-nin  Ekologiya İdarəetmə Sistemi üzrə fəaliyyəti dövrü olaraq tədqiq edilmiş və aşkar olunmuş  uyğunsuzluqlar operativ olaraq aradan qaldırılmışdır.
       Türk Standartları İnstitutu tərəfindən  “Ekol Mühəndislik Xidmətləri” QSC-də İSO 14001, İSO 9001, OHSAS 18001 İdarəetmə Sistemləri üzrə növbəti audit  keçirilməsi nəzərdə tutulmuş və bu məqsədlə mayın 10-da QSC-nin baş ofisində açılış toplantısı keçirilmişdir.
Toplantıda Türk Standartları İnstitutunun (TSE) Azərbaycan təmsilçiləri Səlim Çelebi, Xatirə Salahova və QSC-nin rəhbərliyi, struktur bölmələrinin rəhbərləri və mühəndis-texniki işçilər iştirak etmişlər.
       QSC-nin Baş direktoru Ramil Əliyev  qonaqları səmimi salamlayaraq  ötən dövr ərzində Ekologiya İdarəetmə Sisteminin tələblərinə uyğun olaraq görülmüş işlər barədə onlara ətraflı məlumat vermişdir. Türk Standartları İnstitutunun təmsilçiləri QSC-nin  İSO sahəsində gördüyü işlərdən və keçirdikləri auditlərin  nəticələrindən razı qaldıqlarını qeyd etmişlər. TSE təmsilçiləri cari ildəki keçiriləcək auditin nəticələrinin də uğurlu olacağına əmin olduqlarını vurğulamışlar.
       Baş direktor Ramil Əliyev TSE təmsilçilərinə qarşıda görəcəkli işlərdə uğurlar arzulamışdır.
     Toplantının sonunda görüş iştirakçıları, Türk Standartları İnstitutunun nümayəndələri ilə birlikdə Ümummilli Liderimiz  Heydər Əliyevin doğum  gününün 93-cü  ildönümü ilə əlaqədar olaraq bir dəqiqəlik sükutla yad etmişlər.