Qeyd etdiyimiz kimi may ayının 10-13 tarixlərində Türk Standartları İnstitutunun auditorları “Ekol Mühəndislik Xidmətləri” QSC-də İSO -9001, İSO-14001 və OHSAS-18001 standartlarının tələblərinə əməl olunması, eləcə də yeni standartlara hazırlığın və uyğunluğun vəziyyətinin yoxlanması üzrə audit keçirilmişdir.
Mayın 13-də auditin qapanış toplantısı keçirilmişdir. Toplantının QSC-nin baş direktoru Ramil Əliyev açaraq iştirakçıları salamlamış və ilk sözü Səlim Çelebiyə vermişdir. Türk Standartları İnstitutunun (TSE) Azərbaycan təmsilçisi Səlim Çelebi öz çıxışında azərbaycanda beynəlxalq standartların tələblərinə əməl olunması sahəsində “Ekol Mühəndislik Xidmətləri” QSC kimi nümunəvi şirkətlərin olmasından qürur hissi keçirdiyini xüsusilə vurğulamışdır. O bu sahədə TSE-nin QSC-nə hər zaman dəstək olmağa hazır olduqlarını bildirmişdir. Keçirilmiş auditin nəticələri barədə QSC-nin rəhbərliyinə və kollektivin nümayəndələrinə məlumat verilmişdir. Toplantıda çıxış edənlər, auditor Xatirə Salahova keçirilən auditin nəticələrinin qənaətbəxş olduğunu və QSC-də hər üç standartın tələblərinə nümunəvi qaydada əməl edildiyini toplantı iştirakçılarının diqqətinə çatdırmışlar. Toplantıda çıxış edənlər, QSC-nin baş direktoru Ramil Əliyev, baş direktorun müavini-texniki direktor Məzahir Hüseynov, Ekoloji Monitorinq Departamentinin rəisi Şahabiddin Albuşov və başqaları auditin şəffaf şəraitdə keçirilməsinə, dəyərli tövsiyələrinə və göstərdikləri dəstəyə görə TSE təmsilçilərinə öz dərin təşəkkürlərini bildirmişlər. Eyni zamanda, Ramil Əliyev QSC-nin bütün fəaliyyət sahələrində İSO-9001, İSO-14001 və OHSAS-18001 Beynəlxalq İdarəetmə Sistemlərinin tələblərinə yüksək səviyyədə əməl olunacağını TSE təmsilçilərinin diqqətinə çatdırmışdır. Bununla da TSE təmsilçilərinin QSC-də dörd gün ərzində keçirdikləri auditin nəticələrinə həsr olunmuş qapanış toplantısı başa çatmışdır.
tarix : 13.05.2016
|