Xidmətlərimiz
|
|
|
|
"Ekol Mühəndislik Xidmətləri" QSC-nin Elektromexanika Sexi 2016-cı ilin I rübünü uğurla başa vurmuşdur.
|
"Ekol Mühəndislik Xidmətləri" QSC-nin xidmət sahələrində texnoloji proseslərin fasiləsizliyinin təmin edilməsi, qurğu və avadanlıqların daim işlək vəziyyətdə olması məqsədilə, Elektromexanika sexi əvvəlki illərdə olduğu kimi cari ilin müvafiq dövründə də məqsədyönlü fəaliyyət göstərmişdir.
2016-cı ilin I rübü ərəfəsində Elektromexanika sexinin kollektivi tərəfindən Tullantıların Emalı Departamentinin 4-cü, 5-ci, 6-cı sahələrində (Heydər Əliyev adına NEZ-in 9-cu sahəsi) yüksək səviyyədə təmir işləri görülmüşdü. Belə ki, “Alfa Laval” şirkətinin dekanter qurğusunda P-2 nasosunda təmir-bərpa işləri görülmüş, mexaniki qarışıqlar tökülən sahə 2 metr genişləndirilmiş, 1 saylı qazanxanada (istehsalata yararsız olan) dövretmə nasosu yenisi ilə əvəz olunmuş, Börger markalı nasosların iş prosesi zamanı sıradan çıxmış hissələri mütəmadi olaraq dəyişdirilmişdir. I rüb ərzində NEZ-dən QSC-nə daxil olan 100 mm-lik buxar xəttindəki sızmalar, qaynaq vasitəsi ilə əsaslı surətdə təmir olunaraq aradan qaldırılmış, 36, 37 nömrəli nasosların yerləşdiyi EPQ-nin damı örtüyü betonlanaraq təzələnmiş, 2-ci su axarı sahəsindən ölçü cihazlarına gələn korroziyaya uğramış hava xətləri dəyişdirilərək yenisi ilə əvəz olunmuşdur. QSC-nə daxil olan buxar xətlərinin giriş və çıxış hissələrində manometrlər quraşdırılmış, gərginliklə əlaqədar cəmiyyətdə qəza vaxtı istifadə olan “Olimpik” və “Volvopen” generatorları əsaslı təmir olunmuşdur. “Ekol Mühəndislik Xidmətləri” QSC-nin “A-4”, SOCAR-in Neft Kəmərləri İdarəsinin “Dübəndi”, eləcə də, “AZNEFT İB”-nin “Bibiheybət” NQÇİ və Abşeronneft NQÇİ-nin “Pirallahı” sahələrində olan elektrik avadanlıqları, işıqlanma, gərginlik xətlərində olan nasazlıqlar tez bir zamanda aradan qaldırılmış, sahədə olan bütün növ siyirtmələr yoxlanılaraq kipkəcləri dəyişdirilmişdir. “Ekol Mühəndislik Xidmətləri” QSC-də baş verən aidiyyatı qəzalar Elektromexanika sexinin işçiləri tərəfindən tez bir zamanda aradan qaldırılır və cəmiyyət həmişə elektrik enerjisi, hava, qaz, su və buxar ilə təmin olunur.
tarix : 23.06.2016
|
|
|
|
|
|
|