İyunun 24-də “Ekol Mühəndislik Xidmətləri” QSC-nin xidmət sahələrində də bu əlamətdar gün ilə əlaqədar olaraq tədbir keçirilmişdir. Tədbirdə baş direktorun ümumi işlər  üzrə müavini İsrafil Əliyev, baş direktorun məsləhətçisi Kamil Akimov, Ekoloji Monitorinq  Departamentinin rəisi Şahabiddin Albuşov və rəis müavini Natella Şəfiyeva, Həmkarlar İttifaqı Komitəsinin sədri Əli Ələkbərov iştirak etmiş və öz çıxışlarında ilk öncə QSC-nin kollektivini "Silahlı Qüvvələr günü" münasibətilə təbrik edərək, xalqımıza sülh, əmin-amanlıq və qələbə dolu sevincli günlər arzuladılar. Natiqlər öz çıxışlarında əsası ulu öndər Heydər Əliyev tərəfindən qoyulmuş və Respublika Prezidenti İlham Əliyev cənabları tərəfindən uğurla davam etdirilən ordu quruculuğu, milli ordumuzun bütün regionda qüdrətli bir orduya çevrilməsi və torpaqlarımızı işğaldan azad etməyə qadir olması barədə tədbir iştirakçılarına geniş məlumat verdilər.
     Digər natiqlər də həmçinin öz çıxışlarında ölkə rəhbərinin səyi nəticəsində Milli Ordumuzun gündən-günə güclənməsinin və bütün Qafqazda qüdrətli bir orduya çevrilməsini qürur hissi ilə vurğuladı. Qeyd olundu ki, əgər sülh danışıqları fayda verməzsə, bu halda Ali Baş Komandanın əmri ilə rəşadətli ordumuz torpaqlarımızın işğaldan azad olunmasında öz sözünü deyəcəkdir.