Azərbaycan öz dövlət müstəqilliyini bərpa etdikdən sonra, Ramazan bayramı ölkəmizdə Milli Məclisin qəbul etdiyi 1992-ci il 27 oktyabr tarixli “Azərbaycan Respublikasının bayramları haqqında” Qanununa əsasən dövlət səviyyəsində qeyd olunmağa başlanmışdır.
Ramazan ayı dinimizdə ən müqəddəs bir aydır. Bu ay insanlara Allahı sevməyi öyrədir, onlara öz iradəsini, dözümünü yoxlamaq imkanı verir, insanları gözüaçıq, təmiz vicdanlı olmağa yönəldir və bunlar orucla ifadə olunur. Bütün müsəlman dünyasının, eləcə də xalqımızın ən əziz bayramlarından biri olan, ayların sultanı “Ramazan” ayı başa çatır. İyulun 6-sı və 7-si Ramazan bayramı dünya müsəlmanları tərəfindən böyük sevinc və ruh yüksəkliyi ilə qeyd olunur. Bu müqəddəs bayram “Ekol Mühəndislik Xidmətləri” QSC-nin baş ofisi, eləcədə xidmət göstərdiyi sahələrində də təntənə ilə qeyd edilmişdir. “Ekol Mühəndislik Xidmətləri” QSC-nin baş direktoru Ramil Əliyev, baş direktorun istehsalat üzrə müavini–Texniki direktor Məzahir Hüseynov, İqtisadiyyat və Uçot İdarəsinin rəisi Əli Bağış, Həmkarlar İttifaqı Komitəsinin sədri Əli Ələkbərov müəssisədə bu məqsədlə yığıncaq keçirmiş və butun kollektivi bayram münasibətilə ürəkdən təbrik etmiş və oruc tutan işçilərə bayram sovqatı təqdim etmişdirlər. Göstərilən diqqət və qayğıya görə işçilər QSC–nin rəhbərliyinə öz minnətdarlıqlarını bildirmişlər.
tarix : 05.07.2016
|