"Ekol Mühəndislik Xidmətləri" QSC öz fəaliyyət sahələrində ekoloji vəziyyətin yaxşılaşdırılmasına yönəldilmiş tədbirlər çərçivəsində neftlə çirklənmiş torpaqların təmizlənməsinə və reabilitasiya olunmuş ərazilərin yaşıllaşdırılmasına xüsusi önəm verir və bu istiqamətdə ardıcıl tədbirlər həyata keçirir. Bu layihələrin icrası isə əsasən "Ekol Mühəndislik Xidmətləri" QSC-nin Torpaqların Rekultivasiyası Departamenti (TRD) tərəfindən həyata keçirilmişdir.
QSC-nin TRD I rübdə olduğu kimi 2016-cı ilin II rübündə də SOCAR-ın "Azneft" İB-nin neftqazçıxarma idarələrinin reabilitasiya olunmuş mədən ərazilərindəki yaşıllıq sahələrinin genişləndirilməsi və bitkilərə aqrotexniki xidmətlərin göstərilməsi işlərini yüksək səviyyədə yerinə yetirir. Belə ki, TRD-nin kollektivi II rübün aprel ayında "Azneft" İB-nin "BibiHeybətneft" NQÇİ-nin mədən ərazisində 1000 ədəd zeytun və 70 ədəd evkalipt ağacları əkərək, ərazidəki ağacların sayının 51 min 130 ədədə çatdırmışdır. Hazırda TRD SOCAR-ın Qaz Emalı Zavodunun ərazisində 11 min 877 ədəd, "Azneft" İB-nin “Bibiheybətneft” NQÇİ-nin mədən ərazisində 51 min 130 ədəd, Abşeronneft" NQÇİ-nin mədən ərazisində 13 min 524 ədəd, H.Z.Tağıyev adına NQÇİ-nin mədən ərazisində 4min 420 ədəd, TRD- nin inzibati binasının ərazisində (A-4, Zığ sahəsi) 4 min 453 ədəd ( ümumilikdə 80 min 951ədəd) müxtəlif növ ağac və bəzək kollarına aqrotexniki xidmətlər göstərir. 2016-cı ilin II rübündə 300 m2-lik istixana kompleksi də öz səmərəsini vermişdir. Rüb ərzində yetişdirilmiş minlərlə müxtəlif bitki növləri (həmişəyaşıl oleyandr, sərv, şərq tuyası, tək göz evkalipt, milesiya, tut və s.) yaşıllıqların bərpası üçün istifadə olunmuşdur. "Ekol Mühəndislik Xidmətləri" QSC-nin Torpaqların Rekultivasiyası Departamenti SOCAR-ın fəaliyyət sahələrində ekoloji vəziyyətin yaxşılaşdırılması istiqamətində məqsədyönlü fəaliyyətini davam etdirir.
tarix : 22.07.2016
|