Xidmətlərimiz
|
|
|
|
TRD-nin 1-ci sahəsində mövsümi işlər yüksək ahənglə davam edir
|
"Azneft" İB-nin “Abşeronneft” NQÇİ-nin reabilitasiya olunmuş mədən ərazilərində yaşıllıq sahələrindəki ağac və bəzək kollarına aqrotexniki xidmətlərin göstərilməsini uğurla davam etdirən "Ekol Mühəndislik Xidmətləri" QSC, 2016-cı ildə də "Azneft" İB ilə birgə bu istiqamətdə məqsədyönlü tədbirlər həyata keçirir.
Yay mövsümü ilə əlaqədar QSC-nin Torpaqların Rekultivasiyası Departamentinin əməkçilərinin göstərdiyi yüksək səviyyəli aqrotexniki xidmətlər və yaşıllıq sahələrinin damcı suvarma sistemi ilə təmin edilməsi nəticəsində bitkilərin normal inkişafı təmin edilmişdir. Hazırda "Azneft" İB “Abşeronneft” NQÇİ-nin mədən ərazilərində 13 min 524 və H.Z. Tağıyev adına NQÇİ-nin Qala sahəsində 4 min 420 ədəd müxtəlif növ ağac və bəzək kollarına aqrotexniki xidmətlər göstərilir. Görülən yaşıllaşdırma tədbirləri nəticəsində "Azneft" İB-nin “Abşeronneft” və H.Z. Tağıyev adına NQÇİ-nin bir zamanlar neftlə çirklənmiş mədən əraziləri öz simasını dəyişmiş və ərazinin ekoloji vəziyyəti xeyli dərəcədə yaxşılaşmışdır. Yaşıllaşdırma tədbirlərinin bundan sonra da davam etdirilməsi nəzərdə tutulur.
tarix : 27.07.2016
|
|
|
|
|
|
|