“Ekol Mühəndislik Xidmətləri” QSC-nin Nəqliyyat sexi 2016-cı ilin II rübündə həyata keçirilən ekoloji layihələrin icrasında və xidmət sahələrinin operativ fəaliyyətini davam etdirir. Sex istehsalatın fasiləsizliyinin təmin edilməsi və ekoloji layihələrin keyfiyyətlə həyata keçirilməsi sahəsində yüksək səviyyəli texniki xidmətlər göstərmişdir.
II rüb ərzində “ Surakhany Oil Operation Company S.A.” Şirkətinin mədən ərazilərindən lilsovuran avtomobillər vasitəsi ilə 5 min 056 m3 mədən axıntı suları “Azərbaycan Dövlət Xəzər Dəniz Gəmiçiliyi” QSC və İxtisaslaşdırılmış Dəniz Neft Donanma İdarəsinin ərazisindən 534 m3 döşəməaltı-lyal axıntı suları, “Bibiheybət” Gəmi Təmiri Zavodunun ərazisindən 134 m3 axıntı çirkab suları eləcə də SOCAR Ekologiya İdarəsinin ərazisindən 10 m3 neftli, kimyəvi tərkibli sularının, daşınması həyata keçirilmişdir. QSC-nin Torpaqların Rekultivasiyası Departamentinin (TRD) xidmət göstərdiyi A-4 (Zığ sahəsi) ərazisində 10 m3 torpaq, 11 m3 məişət tullantıları və TRD-nin inzibati binasi ərazisindəki yaşıllıqların suvarılmasına 40 m3 , İnzibati Təsərrüfat şöbəsinin yaşıllıq sahələrinə 30 m3 , TED-nin 5-ci sahəsinə 60 m3 su daşınmışdır.. Lilsovuran avtomobillər və nasoslar vasitəsi ilə 130 m3 qrunt və yağış suları sahədən kənarlaşdırılmışdır. H.Əliyev adına NEZ-nun (9-cu sahə) TED-nin 5-ci sahəsi ərazisində istismarda olan dekantır qurğusunun fəaliyyəti nəticəsində formalaşan torpaqları “Belarus MUP-351”, “Buldozer Keyz”, “ Telehandler MST ” vasitəsi ilə özüboşaldan nəqliyyat vasitələrinə yığılaraq xüsusi əraziyə daşınmışdır. Nəqliyyat vasitələri vaxtlı-vaxtında texniki baxışdan keçirilmiş və norma həddində yanacaq sürtgü materialları ilə təmin edilmişdir. Hərəkətin təhlükəsizliyini təmin etmək məqsədi ilə qabaqlayıcı tədbirlər görülmüş, sürücülərə vaxtaşırı təlimatlar keçirilmişdir. Nəqliyyat sexinin kollektivi 2016-cı ilin II rübündə də öz fəaliyyətini QSC-də istehsalatın fasiləsizliyinin təmin edilməsi və ekoloji layihələrin keyfiyyətlə həyata keçirilməsi məqsədi ilə yüksək səviyyəli texniki xidmətlər göstərmişdir.
tarix : 03.08.2016
|