2016-cı ildə “Ekol Mühəndislik Xidmətləri” QSC-də əhəmiyyətli ekoloji layihələri həyata keçirməklə yanaşı, istehsalat sahələrində zəruri tikinti -quraşdırma , təmir işləri vaxtında və keyfiyyətlə yerinə yetirilir.
Müvafiq dövr ərzində, yay mövsümü ilə əlaqədar görülən işlərin davamı olaraq, QSC-nin O. Vəliyev 1 ünvanında yerləşən inzibati, məişət, yardımçı binalarında və mexaniki təmizləyici qurğular sistemində zəruri cari təmir və profilaktika işləri həyata keçirilir. Hazırda inzibati, məişət və yardımçı binaların yararsız hala düşmüş dam örtüklərinin, eləcə də mexaniki qurğuların üzərindəki dəmir lövhələrin dəyişdirilməsi də həyata keçirilən məqsədyönlü tədbirlərdəndir. “Ekol Mühəndislik Xidmətləri” QSC-nin istehsalat sahələrinin abadlaşdırılması və zəruri təmir – tikinti işlərinin yerinə yetirilməsi daimi diqqət mərkəzindədir. Bu tədbirlər bundan sonra da mütəmadi olaraq həyata keçiriləcəkdir.
tarix : 09.08.2016
|