SOCAR-ın fəaliyyət sahələrində ekoloji vəziyyətin yaxşılaşdırılması çərçivəsində həyata keçirdiyi tədbirlər sırasında ərazilərin yaşıllaşdırılması əsas vəzifələrdən biridir. Bu tədbirlərdə yaxından iştirak edən "Ekol Mühəndislik Xidmətləri" QSC də neft sənayesi sahələrinin yaşıllaşdırılması və aqrotexniki xidmətlərin göstərilməsi işlərini layiqincə yerinə yetirir.
Beləliklə Torpaqların Rekultivasiyası Departamentinin 2 sahəsi işçilərinin xidmət göstərdiyi ərazilərdə mövsümi işlər layiqincə yerinə yetirilir, ağaclara aqrotexniki xidmətlər göstərilir. Hazırda TRD-nin 2-ci sahəsinin işçiləri SOCAR-ın Qaz Emalı zavodunun ərazisində 11min 877 və “Azneft” İB “BibiHeybətneft” NQÇİ-nin ərazisində 51min130 ədəd müxtəlif növ ağac bəzək kollarına layiqincə xidmət göstərirlər. Sahələr alaq otlarından təmizlənir, bitkilərə gübrələr verilir və dibləri boşaldılır. Zəif inkişaf etmiş və qurumuş ağaclar yenisi ilə əvəz edilir. TRD-nin əməkçiləri SOCAR-ın ərazilərindəki yaşıllıq sahələrinin genişləndirilməsi və bitkilərin normal inkişafı üçün zəruri tədbirləri davam etdirir.
|