“Ekol Mühəndislik Xidmətləri” QSC-nin istehsalat sahələrində texnoloji proseslərin ətraf mühitə təsirinin minimuma endirilməsi, istehsalatın fasiləsizliyinin təmin edilməsi, eləcə də obyektlərin, qurğu və avadanlıqların istismar müddətinin artırılması istiqamətində mütəmadi olaraq tədbirlər həyata keçirilir.
Bu məqsədlə TED-nin 4-cü (Heydər Əliyev adına NEZ -nun 9 – cu sahəsi) sahəsinin 1 nömrəli mexaniki təmizləmə sistemindəki 3 nömrəli çəndə hal - hazırda zəruri profilaktiki təmir işləri “Ekol Mühəndislik Xidmətləri” QSC-nin işçiləri tərəfindən yerinə yetirilir və yaxın zamanlarda istismara veriləcəkdir. TED-nin fəaliyyət sahələrində texnoloji proseslərin fasiləsizliyinin təmin olunması, keyfiyyətin yaxşılaşdırılması məqsədilə təmir və quraşdırma işləri davam etdirilir.
|