|
SOCAR-ın neft-mədən ərazilərində neftlə çirklənmiş torpaqların və sənaye-çirkab, axıntı sularının təmizlənməsi, neftşlamın emalı, zərərsizləşdirilməsi və bioremediasiyası kimi ekoloji layihələrin həyata keçirilməsini "Ekol Mühəndislik Xidmətləri" QSC-nin qarşısında mühüm bir vəzifə kimi qoymuşdur. Bununla əlaqədar olaraq QSC bu sahədə yerli və xarici şirkətlərlə əməkdaşlıq əlaqələri yaradır.
31.08.2016-cı il tarixdən 02.09.2016-cı il tarixədək Türkiyənin İstanbul şəhərində "Alfa-Laval" şirkətinin Baş ofisində şirkətin rəhbərliyi və mütəxəssisləri tərəfindən treninq keçirilmişdir. Treninqdə QSC-dən ezam edilən mütəxəssislərdən ibarət heyyət iştirak etmişdir.
"Alfa-Laval" şirkətinin dekanter və Fox-15 modulu qurğuları haqqında şirkətin mütəxəssisləri tərəfindən ətraflı məlumatlar verilmiş, məşğələlər keçirilmiş və müzakirələr aparılmışdır. Bundan sonra şirkətin texniki qulluq və təmir sahələrində aparılan ümumi təmir işləri ilə iştirakçılar yaxından tanış olmuşlar. Gələcəkdə "Alfa-Laval" şirkətinin dekanter və Fox-15 qurğularının daha effektli, təhlükəsiz işləmələri üçün şirkətin nümayəndələri iştirakçılara tövsiyələr vermişlər.
QSC tərəfindən ezam olunmuş iştirakçılara "Alfa-Laval" şirkətinin rəhbərliyi tərəfindən sertifikat təqdim olunmuşdur.
"Ekol Mühəndislik Xidmətləri" QSC gələcəkdə yeni texnologiyaların əldə olunması məqsədilə, müxtəlif şirkətlərlə əməkdaşlıq əlaqələrinin genişləndirilməsi istiqamətində səylərini davam etdirəcəkdir.
|
ana səhifə
Satınalma
əlaqə
