Payız mövsümünün gəlişi ilə əlaqədar olaraq, "Ekol Mühəndislik Xidmətləri QSC-nin Torpaqların Rekultivasiyası Departamentinin (TRD) Neftqazçıxarma idarələrinin, o cümlədən "Azneft" İB "BibiHeybətneft" NQÇİ-nin mədən ərazilərində, aqrotexniki xidmət göstərdiyi yaşıllıq sahələrində mövsümi işlər geniş vüsət almışdır.
TRD-nin 2-ci sahəsinin xidmət göstərdiyi "Azneft" İB "BibiHeybətneft" NQÇİ-nin mədən ərazisində mövsümi işlərlə əlaqədar, yaşıllıq sahəsindəki damcı suvarma sistemində profilaktiki təmiri, eləcə də ağacların diblərinin boşaldılması, bitkilərə gübrələrin verilməsi işləri yerinə yetirilir, sahələr alaq otlarından təmizlənir. Qeyd edək ki, TRD-nin 2-ci sahəsinin ərazisində 51 min 130 ədəd ağac və kol bitkilərinə aqrotexniki xidmət göstərilir. Ərazidə 320 m2-lik istixanada 14 minə qədər müxtəlif bitki növləri (həmişəyaşıl oleyandr, sərv, şərq tuyası, tək göz evkalipt, milesiya, tut və s.) əkilmişdir. İstixanada yetişdirilmiş müxtəlif növ ağac və kol bitkiləri çıxarılaraq sahəyə və dibçəklərə əkilmiş, bu bitkilərə aqrotexniki qulluq göstərilir. TRD-nin 2-ci sahəsinin əməkçiləri "Azneft" İB "BibiHeybətneft" NQÇİ-nin mədən ərazisindəki yaşıllıq sahələrində zəruri aqrotexniki tədbirlərin həyata keçirilməsini davam etdirir.
|