Əsası  ulu öndər Heydər Əliyev tərəfindən qoyulmuş Azərbaycanın yeni neft strategiyası  ölkə  Prezidenti İlham Əliyev cənabları tərəfindən uğurla həyata keçirilir və iqtisadiyyatımızın  dinamik inkişafına güclü təkan vermiş bu strategiya Azərbaycanı ən sürətlə irəliləyən ölkələr sırasına çatdırmışdır. Günü-gündən müasirləşən şəhər və kəndlərimizin siması bu davamlı yüksəlişi əks etdirir.
     “Əsrin müqaviləsi” neft sazişinin imzalanması ötən 22 il Azərbaycanın  neft-qaz sənayesinin, bütövlükdə iqtisadiyyatımızın inkişafı, ölkəmizin dünyada böyük nüfuz qazanması, etibarlı tərəfdaşa çevrilməsi, hər bir Azərbaycan vətəndaşının sosial rifah halının yüksəlməsinə böyük təkan vermişdir. Prezident İlham  Əliyevin dediyi kimi: “1994-cü ildə “Əsrin müqaviləsi” imzalanmasaydı, bu gün Azərbaycanın uğurlu inkişafından söhbət gedə bilməzdi”
     “Ekol Mühəndislik Xidmətləri” QSC də bir sıra tədbirlər həyata keçirmişdir. Bu münasibətlə sentyabr ayın 20-də QSC-nin rəhbərliyi və kollektivi SOCAR-ın kollektivi ilə birgə Fəxri Xiyabanda olmuş, ulu öndərin məzarı önünə tər çiçəklər düzmüş və əziz xatirəsini sükutla yad etmişdirlər.