Məşqlər zamanı əsas məsələ ofis işçilərinin fövqəladə hallar zamanı təhlükəsiz təxliyəsinin təşkilindən ibarət olmuşdur. Təxliyə zamanı təlaşa düşmədən, liftdən istifadə etmədən, yaşlıların və qadınların təxliyəsinə şərait yaratmaqla iş yerlərini tərk etmək əyani olaraq göstərilmişdir.
     Məşqdə "Ekol Mühəndislik Xidmətləri" QSC-nin rəhbər heyyəti və kollektivi iştirak etmişdir.
 Tədbirdə çıxış edən "Ekol Mühəndislik Xidmətləri" QSC-nin Baş direktoru R.Əliyev məşqin keçirilməsində əsas məqsəd fövqəladə hadisələrin və onların nəticələrinin qarşısının alınması işində təşkilatçılığı və operativliyi artırmaq, fövqəladə hadisələr zamanı Mülki Müdafiə idarəetmə orqanlarının fövqəladə hadisələrin nəticələrindən işçilərin mühafizəsi üzrə fəaliyyətinin təkmilləşdirilməsinin vacib olduğunu qeyd etdi. Daha sonra çıxış edənlər fövqəladə hadisələrin nəticələrinin aradan qaldırılması işlərinin təşkili və yerinə yetirilməsi üzrə rəhbər heyət, Mülki Müdafiə Qərargahı, Mülki Müdafiə xidmətləri, dəstələri və Fövqəladə Hallar Komissiyası arasında, eyni zamanda qonşu obyektlərlə qarşılıqlı fəaliyyət, təminat, təchizat, fövqəladə hadisələrin nəticələrinin aradan qaldırılması zamanı davranış və s. məsələlərin təkmilləşdirilməsi haqqında öz fikirlərini söylədilər.
     QSC-də texniki təhlükəsizlik işlərinin OHSAS 18001 Beynəlxalq Standartlarının tələbləri səviyyəsində qurulması istiqamətində işlər davam etdirilir.