Bununla əlaqədar olaraq, 04.10.2016-cı il tarixində O.Vəliyev 1 ünvanında (Heydər Əliyev adına NEZ-nun 9-cu sahə) işçilərlə “İlkin yanğınsöndürmə vasitələrindən istifadə qaydaları” mövzusunda növbəti praktiki təlim-məşq toplantısı keçirilmişdir.
     Toplantıda Baş direktorun istehsalat üzrə müavini – Texniki direktor Məzahir Hüseynov və  Baş direktorun SƏTƏM üzrə müavini (xarici təsisçinin nümayəndəsi) Eldəniz Həsənli iştirak etmiş, öz tapşırıq və tövsiyələrini vermişlər.
     Təlim-məşq toplantısında Texniki Təhlükəsizlik Şöbəsinin rəisi Səbuhi Veysəlov, Azərbaycan Respublikası Fövqəladə Hallar Nazirliyinin DYMX-nin NM üzrə YMD-nin inspektoru D/X kapitanı R.Şeyxzadə yanğın zamanı görüləcək ilkin tədbirlər, həmçinin köpüklə  yanğınsöndürmə sistemindən və odsöndürən balonlardan istifadə qaydaları haqqında iştirakçılara geniş məlumat vermişlər. Bununla yanaşı, yanğın zamanı yerinə yetiriləcək hərəkətlər praktiki olaraq nümayiş etdirilmişdir.  
     QSC-nin qəbul etdiyi və sertifikat aldığı OHSAS 18001 beynəlxalq standartlarının tələblərinə uyğun olaraq   xidməti sahələr müasir texniki təhlükəsizlik və yanğından mühafizə vasitələri ilə, yanğınsöndürən köpük, eləcə də müvafiq təlimatlar və ədəbiyyatlarla təchiz edilmiş, işçilər xüsusi geyim və tibbi yardım vasitələri ilə  təmin olunmuşlar.
     Texniki təhlükəsizlik şöbəsi QSC-nin xidmət sahələrində yanğından mühafizə tədbirlərini davam etdirir.