|
Xidmətlərimiz
|
|
|
|
“Ekol Mühəndislik Xidmətləri” QSC-də beynəlxalq idarəetmə sistemlərinin siyasətinin tələblərinə əsasən maarifləndirmə başlanmışdır.
|
|
“Ekol Mühəndislik Xidmətləri” QSC öz fəaliyyətini qəbul etdiyi İSO 9001, İSO 14001 və OHSAS 18001 beynəlxalq idarəetmə standartlarının tələblərinə əsasən qurmuş və bu istiqamətdə davamlı olaraq fəaliyyət həyata keçirir.
Bu tədbirlər çərçivəsində təsdiq olunmuş qrafik və mövzuya uyğun olaraq 11.10.2016-cı il tarixində QSC-nin baş ofisində “İş yerində stressin idarəedilməsi” və “Ofisdə texniki təhlükəsizlik qaydaları” mövzusunda maarifləndirmə keçirilmişdir. Giriş sözü ilə Baş direktorun SƏTƏM üzrə müavini Eldəniz Həsənli çıxış etmişdir.
Tədbirdə “İş yerində stressin idarəedilməsi” mövzusu haqqında Ekoloji Monitorinq Departamentinin rəis müavini Natella Şəfiyeva geniş məlumat vermiş və stress zamanı ondan azad olmağın yollarını izah etmişdir. Daha sonra Texniki təhlükəsizlik şöbəsinin rəisi Səbuhi Veysəlov “Ofisdə texniki təhlükəsizlik qaydaları” mövzusunda çıxış etmiş, iş yerlərində təhlükəsizlik qaydalarına əməl olunması, işçilərin təhlükəsizliyin qorunması və mülkiyyətin yanğından, digər qəzalardan necə qorunması haqqında geniş izahat vermişdir. Hər iki maarifləndirici mövzu haqqında tədbirin sonunda video çarx göstərilmişdir.
Maarifləndirici tədbirlər 14.10.2016-cı il tarix də daxil olmaqla “Ekol Mühəndislik Xidmətləri” QSC-nin bütün istehsalat sahələrində keçiriləcəkdir.
tarix : 12.10.2016
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
