|
"Ekol Mühəndislik Xidmətləri" QSC-nin xidmət sahələrində texnoloji proseslərin fasiləsizliyinin təmin edilməsi, qurğu və avadanlıqların daim işlək vəziyyətdə olması məqsədilə, Elektromexanika sexi əvvəlki illərdə olduğu kimi cari ilin müvafiq dövründə də məqsədyönlü fəaliyyət göstərmişdir.
2016-cı ilin III rübü ərəfəsində Elektromexanika sexinin kollektivi tərəfindən Tullantıların Emalı Departamentinin 4-cü, 5-ci, 6-cı sahələrində (Heydər Əliyev adına NEZ-in 9-cu sahəsi) yüksək səviyyədə təmir işləri görülmüşdür. Belə ki, 1 saylı nefttutucuda istifadə müddəti bitmiş, beton ayaqaltı və dirəklər qısa müddətdə sökülərək yenidən metal konstruksiya ilə əsaslı surətdə bərpa olunmuş, 3 saylı qazanxananın dam örtüyü dəyişdirilərək təmir olunmuş, gərginlik sistemi ilə təmin edilərək istifadəyə verilmişdir.
Börger və VK nasoslarının reduktor sistemləri, Nəqliyyat sexində olan texnikaların yararsız hala düşmüş hissələri kəsilib çıxarılmış və təzə hissələrlə qaynaq edilərək bərpa olunmuşdur.
“Pieralisi” trikanter qurğusunda məhsul vuran nasos konteynerlərdən çıxarılaraq qurğunun yanında quraşdırılmış və giriş-çıxış xətləri yenidən bərpa olunmuşdur.
“Ekol Mühəndislik Xidmətləri” QSC-nin daxildə və ətraf sahələrdə işlərin ahəngi pozulmamaq üçün, işlək avadanlıqlar mütəmadi olaraq yoxlanılır, təftiş olunur və onlar enerji daşıyıcıları ilə (qaz, su, buxar, hava, işıq) təmin edilir. Ərazidə olan bütün işıqlanma sistemində təbii hadisədən (yağışdan sonra) yaranan nasazlıqlar qısa müddətdə aradan qaldırılmışdır.
“Ekol Mühəndislik Xidmətləri” QSC-də baş verən aidiyyatı qəzalar Elektromexanika sexinin işçiləri tərəfindən tez bir zamanda aradan qaldırılır, texnoloji proseslərin fasiləsizliyinin təmin edilməsi və keyfiyyət göstəricilərinin artırılması istiqamətində fəaliyyətlərini əzmlə davam etdirirlər.
tarix : 07.11.2016
|
ana səhifə
Satınalma
əlaqə
Futzal
Alternativ Enerji
Bu maraqlıdır
