“Ekol Mühəndislik Xidmətləri” QSC-nin əsas fəaliyyəti sahələrindən biri də neft sənayesi sahələrində neftlə çirklənmiş torpaqların təmizlənməsi, reabilitasiya olunmuş ərazilərdə yaşıllıqların salınması, bitkilərə aqrotexniki xidmətlərin göstərilməsi və landşaftın bərpasından ibarətdir. Bu işlər əsasən Torpaqların Rekultivasiyası Departamenti (TRD) tərəfindən həyata keçirilir.
QSC-nin TRD ötən illərdə olduğu kimi 2016-cı ilin III rübündə də SOCAR-ın "Azneft" İB-nin NQÇİ-nin reabilitasiya olunmuş mədən ərazilərindəki yaşıllıq sahələrində bitkilərə aqrotexniki xidmətlərin göstərilməsi işlərini yüksək səviyyədə yerinə yetirilmişdir. Hazırda, TRD SOCAR-ın Qaz Emalı Zavodunun ərazisində 11 min 877 ədəd, "Azneft" İB-nin “BibiHeybətneft” NQÇİ-nin mədən ərazisində 51 min 130 ədəd, “Abşeronneft” NQÇİ-nin mədən ərazisində (Pirallahı) 13 min 524 ədəd, H.Z. Tağıyev adına NQÇİ-nin mədən ərazisində 4 420 ədəd, TRD-nin inzibati binasının ərazisində (A-4 Zığ sahəsi) isə 4 553 ədəd müxtəlif növ ağac və bəzək kollarına aqrotexniki xidmətlər göstərir. Ötən ilin yaz, payız və qış mövsümlərində xidmət göstərilən yaşıllıq sahələrindəki bitkilərə lazım olan ehtiyat qida maddələri, üzvi və mineral gübrələr, münbit torpaq, peyin və su ilə mütəmadi olaraq təmin olunmuş, budanmış, quruyan ağaclar yenisi ilə əvəz olunmuşdur. Yaşıllıq sahələrinin bərpası məqsədilə, ting ehtiyatının artırılması üçün "Azneft" İB-nin "BibiHeybətneft" NQÇİ-nin mədən ərazisində fəaliyyət göstərən TRD-nin 2-ci sahəsində 2013-cü ildə tikilib istifadəyə verilmiş 320 m2-lik istixanada akasiya, həmişəyaşıl oleyandr, iydə, eldar şamı, sərv, zeytun və s. ağacların toxumları əkilərək aqrotexniki xidmətlər göstərilmiş, gözlənilən nəticələr əldə olunmuşdur. Hazırda QSC-nin Torpaqların Rekultivasiyası Departamenti payız mövsümündə xidmət göstərdiyi yaşıllıq sahələrindəki ağacların mühafizəsi və qış mövsümünə hazırlıq işlərini uğurla davam etdirir.
tarix : 14.11.2016
|