|
Cari ilin qış mövsümündə “Ekol Mühəndislik Xidmətləri” QSC-nin xidmət sahələrində obyektlərin və inzibati binaların qışa hazırlığının, işçilərin iş şəraitinin yaxşılaşdırılmasının və xidmətlərin fasiləsizliyinin təmin edilməsi məqsədilə, təsdiq olunmuş “Qış mövsümünə hazırlıq tədbirlər planı” nın icrası başlanmışdır.
Tədbirlər planına uyğun olaraq QSC-nin Tullantıların Emalı Departamentinin (TED) 3,4,5,6-cı (Heydər Əliyev adına NEZ-nun 9-cu sahəsinin ərazisi) sahələrindəki təmizləyici qurğularda, nasoslarda, boru xətlərində, qazanxanalarda və elektrik təsərrüfatında profilaktiki təmir işləri yerinə yetirilmişdir. QSC-nin inzibati, məişət və istehsalat binalarının fasiləsiz olaraq istiliklə təmin edilməsi üçün məqsədyönlü tədbirlər həyata keçirilmiş, binaların dam örtüyündə, qapı və pəncərələrində zəruri təmir işləri aparılmışdır. İstismarda olan qurğuların və xüsusi texnikanın qış rejimində fasiləsiz işləməsi məqsədilə ehtiyat ötürücü qurğular və enerji mənbələri quraşdırılaraq sınaqdan keçirilmişdir.
Bütün bunlarla yanaşı QSC-nin balansında olan nəqliyyat vasitələri, xüsusi texnikalar, qurğu və avadanlıqlar tam hazırlıq vəziyyətinə gətirilmiş, yanacaq sürtgü materialları və ehtiyat hissələri tədarük edilmişdir. Bütün xidmət sahələrinin elektrik və istilik təsərrüfatları texniki baxışdan keçirilmiş, təmir və sazlama işləri yerinə yetirilərək tam işlək vəziyyətə gətirilmişdir. İşçilərin qış geyimləri ilə təmin olunması üçün müvafiq tədbirlər görülmüş və işçi personal qış şəraitinin iş rejimi ilə təlimatlandırılmışdır.
“Ekol Mühəndislik Xidmətləri” QSC-nin xidmət göstərdiyi yaşıllaşdırma sahələrində də “Qışa hazırlıq tədbirlər planı”nın icrası ilə əlaqədar müvafiq işlər yerinə yetirilmişdir. Bitkilərin gübrəyə olan tələbatının təmin edilməsi və şaxtalı hava şəraitində bitkilərin donvurmadan mühafizə edilməsi istiqamətində qabaqlayıcı tədbirlər görülür.
Tədbirlər planında nəzərdə tutulmuş işlərin vaxtında və keyfiyyətlə yerinə yetirilməsi, “Ekol Mühəndislik Xidmətləri” QSC-nin növbəti mövsümləri də uğurla başa vuracağına etibarlı zəmin yaratmışdır.
tarix : 23.11.2016
|
ana səhifə
Satınalma
əlaqə
Futzal
Alternativ Enerji
Bu maraqlıdır
