Xidmətlərimiz
|
|
|
|
“Ekol Mühəndislik Xidmətləri” QSC-nin TED-nin 4-cü, 6-cı sahələrində III mexaniki təmizləmə sistemində yenidənqurma və 95/3 saylı neftayırıcılarda mexaniki qarışıqların yuyulması işləri həyata keçirilir.
|
QSC-nin Tullantıların Emalı Departamentinin (TED) 4-cü və 6-cı sahələrində (H.Əliyev adına NEZ-nun 9-cu sahəsinin ərazisi) tullantıların idarə edilməsi, xidməti sahələrdə texnoloji proseslərin fasiləsizliyinin təmin olunması və keyfiyyətin yaxşılaşdırılması departamentin fəaliyyətinin ən mühüm vəzifələrindən biridir.
Bununla əlaqədar olaraq, TED-in 4-cü sahəsində qurğu və avadanlıqların saz vəziyyətdə işləməsi, onların istismar müddətinin artırılması, həmçinin texnoloji reqlamentə dəqiq əməl olunması sahəsində ardıcıl məqsədyönlü tədbirlər həyata keçirilir. 4-cü sahədə III mexaniki təmizləmə sistemində mövcud 55 kv-lıq yanğınsöndürmə nasosu sökülərək bünövrədən yenidən quraşdırılmışdır. Həmin sistemə əlavə olaraq, 110 kvt-lıq 2-ci mərkəzdən qaçma nasosu quraşdırılmış və köpük çənindən başqa texniki su çəni də qoşulmuşdur. Çökdürücü göllərin ətrafında əlavə olaraq 4 ədəd köpükləndirici generatorlar quraşdırılmış, sistemdə boru xətlərinin yararsız hissələri yenilənmiş, köpük generatorları sökülərək təmizlənmiş və sistem tam işlək vəziyyətə gətirilmişdir. Hal-hazırda yanğınsöndürmə xətlərinin, köpük generatorlarının və nasosların rənglənməsi işləri davam etdirilir. Görülən tədbirlər çərçivəsində əhəmiyyətli işlərdən biri də TED-nin 6-cı sahəsində (H. Əliyev adına NEZ-nun 9 sahəsinin ərazisi) 95/3 saylı neftayırıcılarda 5-ci bölmənin dibinə yığılan mexaniki qarışıqların Börger nasosu ilə yuyularaq, A-2 qəza anbarına vurulması prosesidir. Neftayırıcının dibinə yığılan çöküntünün hündürlüyü 1,25 m olmaqla ümumi həcmi 270 m3- dir. Xidməti sahələrdə profilaktiki təmir işləri və mexaniki qarışıqların yuyulması dövrü olaraq yerinə yetirməklə davam etdirilir.
tarix : 09.01.2017
|
|
|
|
|
|
|