Xidmətlərimiz
|
|
|
|
“Ekol Mühəndislik Xidmətləri” QSC-nin Tullantıların Emalı Departamentinin 6-cı sahəsində A-1 və A-2 qəza anbarlarında yarımavtomatik köpüklə yanğınsöndürmə sistemi qoşulmuşdur.
|
Əməyin mühafizəsi, texniki təhlükəsizlik qaydalarına əməl olunması, insanların sağlamlığının qorunması və dövlət əmlakının yanğından mühafizə edilməsi “Ekol Mühəndislik Xidmətləri” QSC-nin daim diqqətdə saxladığı əsas vəzifələrdən biridir. Bu məqsədlə QSC-nin istehsalat sahələrində mütəmadi olaraq müvafiq tədbirlər həyata keçirilir.
Strateji obyektlərdə texniki təhlükəsizlik və yanğından mühafizə qaydalarına əməl olunması daha böyük əmək kəsb edir. “Ekol Mühəndislik Xidmətləri” QSC-nin fəaliyyət sahələrinin əsasən strateji obyektlərdə (H.Əliyev adına NEZ-in 9-cu sahəsində) yerləşdiyi nəzərə alınaraq istehsalatda texniki təhlükəsizlik və yanğından mühafizə qaydalarına ciddi əməl olunması məqsədilə işçi personalı müntəzəm olaraq praktiki və nəzəri məşğələlərə cəlb olunur. Belə ki, “Ekol Mühəndislik Xidmətləri” QSC-nin Tullantıların Emalı Departamentinin (TED) 6-cı sahəsində yerləşən tutumları 5000 m3 olan A-1 və A-2 qəza anbarlarında yanğın təhlükəsizliyini təmin etmək məqsədilə hər bir anbarın perimetr boyu 14 ədəd orta artımlı köpük generatorları quraşdırılaraq yarımavtomatik köpüklə söndürmə sisteminə qoşulmuşdur. Bu məqsədlə, 07.02.2017-ci il tarixində “Ekol Mühəndislik Xidmətləri” QSC-nin Baş direktorunun SƏTƏM üzrə müavini Eldəniz Həsənli, Azərbaycan Respublikası Fövqəladə Hallar Nazirliyinin Dövlət Yanğından Mühafizə Xidmətinin Neftayırma Müəssisələri üzrə Yanğından Mühafizə Dəstəsinin rəisi daxili xidmət polkovniki İntiqam Musayev, DYMX-nin NM-üzrə YMD-nin rəis müavini daxili xidmət polkovnik-leytenantı Ruslan Zeynalov, DYMX-nin NM-üzrə YMD- nin 18 saylı YMH-nin rəisi daxili xidmət polkovnik-leytenantı İlqar Abbasovun iştirakı ilə orta artımlı köpük generatorlarının işçi sınağı aparılmışdır. Sınaqdan sonra FHN-nin nümayəndələri öz təkliflərini vermişlər. Bəzi rəy və təkliflər nəzərə alınmaqla, QSC-nin TED-nin 6-cı sahəsində A-1 və A-2 qəza anbarlarında yarımavtomatik köpüklə yanğınsöndürmə sisteminin sınağı müvəffəqiyyətlə başa çatmışdır.
tarix : 09.02.2017
|
|
|
|
|
|
|