|
SOCAR-ın fəaliyyət sahələrində ekoloji vəziyyətin yaxşılaşdırılmasına dair təsdiq olunmuş tədbirlər planı çərçivəsində "Ekol Mühəndislik Xidmətləri" QSC-nin həyata keçirdiyi layihələrdən biri də, “Azneft” İB-nin “Abşeronneft” NQÇİ-nin reabilitasiya olunmuş mədən ərazilərində yaşıllıqlara yüksək səviyyədə aqrotexniki xidmətlərin göstərilməsi layihəsidir.
Hazırda qış mövsümü ilə əlaqədar olaraq havaların soyuq keçməsinə baxmayaraq QSC-nin Torpaqların Rekultivasiyası Departamenti SOCAR-ın Qaz Emalı Zavodunun ərazisində, “Azneft” İB-nin “BibiHeybətneft”, “Abşeronneft” və H.Z. Tağıyev adına NQÇİ-lərin mədən ərazilərində ümumilikdə 80 min 951 ədəd müxtəlif növ ağac və bəzək kollarına yüksək səviyyədə aqrotexniki xidmətlər göstərir. Bununla yanaşı QSC, “Azneft” İB NQÇİ-lərin mədən ərazilərində yaşıllıq sahələrinin genişləndirilməsi məqsədilə, yeni sahələrdə müxtəlif növ ağacların əkilməsini təmin edir.
Torpaqların Rekultivasiyası Departamenti 1-ci sahəsinin əməkçilərinin göstərdiyi yüksək səviyyəli aqrotexniki xidmətlər və yaşıllıq sahələrinin damcı suvarma sistemi ilə təmin edilməsi nəticəsində bitkilərin normal inkişafı təmin edilmişdir. Hazırda “Azneft” İB-nin “Abşeronneft” NQÇİ-nin (Pirallahı) mədən ərazilərində 13 min 524 ədəd, “Azneft” İB-nin H.Z. Tağıyev NQÇİ-nin Qala ərazisində 4 min 420 ədəd müxtəlif növ həmişəyaşıl ağac və bəzək kollarına aqrotexniki xidmətlər göstərilir.
Bütün bunlarla yanaşı digər sahələrdə olduğu kimi, “Azneft” İB-nin “BibiHeybətneft” NQÇİ-nin ərazisində də zəruri işlər yerinə yetirilir, ərazidə olan 51 min 130 ədəd müxtəlif növ ağac və bəzək kollarına, istixanada yetişdirilən 11 min 200 ədəd ağac tinglərinə, SOCAR-ın Qaz Emalı Zavodunun ərazisində 11 min 877 ədəd müxtəlif növ ağac və bəzək kollarına QSC-nin Torpaqların Rekultivasiyası Departamentinin yaşıllaşdırma üzrə 2-ci sahəsinin işçiləri tərəfindən yüksək səviyyədə qulluq edilir.
“Ekol Mühəndislik Xidmətləri” QSC-nin ərazilərində yaşıllıq sahələrinin genişləndirilməsi və yüksək səviyyəli aqrotexniki xidmətlərin göstərilməsi istiqamətində tədbirləri davam etdirilir.
tarix : 24.02.2017
|
ana səhifə
Satınalma
əlaqə
Futzal
Alternativ Enerji
Bu maraqlıdır
