Hər il yaz mövsümü ilə əlaqədar olaraq SOCAR-ın çoxsaylı kollektivi iməciliklər keçirir, istehsalat sahələrində yaşıllaşdırma və abadlıq işləri aparırlar.
Aprelin 8-də SOCAR rəhbərliyinin iştirakı ilə Şirkətin bütün idarə və müəssisələrində növbəti genişmiqyaslı iməcilik keçirilmişdir. Tədbirdə, SOCAR-ın rəhbər heyəti Azneft İB-nin “Bibiheybətneft” NQÇİ-nin mədən ərazisində olmuş, ümumi ekoloji vəziyyətlə və yaşıllaşdırma işləri ilə maraqlanmış, ağac əkmişlər. Keçirilən iməcilikdə SOCAR-ın idarə və müəssisələrinin kollektivləri eləcə də, “Ekol Mühəndislik Xidmətləri” QSC-nin kollektivi fəal iştirak etmişlər, “Azneft” İB-nin “Bibiheybətneft” NQÇİ-də ağaclar əkilmiş, əvvəllər salınmış yaşıllıqlara qulluq olunmuş, abadlıq işləri aparılmışdır. Ümumilikdə bu iməcilikdə 1500 ağac əkilmişdir. Həmçinin “Ekol Mühəndislik Xidmətləri” QSC-nin bütün istehsalat və xidməti sahələrində, o cümlədən SOCAR-ın H.Əliyev adına NEZ-nun 9-cu sahəsində, Qaz Emalı Zavodunda, Ekologiya İdarəsinin Tullantı Mərkəzində, eləcə də “Azneft” İB-nin “Abşeronneft”, “BibiHeybətneft”, H.Z.Tağıyev adına NQÇİ-nin mədən ərazilərindəki yaşıllıq sahələrini də əhatə etmişdir. İməcilik zamanı istehsalat sahələrində təmizlik və abadlıq işləri aparılmış, eyni zamanda yanğın təhlükəsizliyinin təmin edilməsi məqsədilə mexaniki təmizləyici qurğuların ətrafı alaq otlarından təmizlənmiş və tullantılar sahədən kənarlaşdırılmışdır. "Ekol Mühəndislik Xidmətləri" QSC-də iməciliyin növbəti həftələrdə keçirilməsi nəzərdə tutulmuşdur.
tarix : 08.04.2017
|