Bu məqsədlə, QSC-nin Torpaqların Rekultivasiya Departamenti  yazın gəlişi ilə əlaqədar istehsalat ərazilərində xidmət göstərdiyi yaşıllıq sahələrində bitkilərin mühafizəsi, mövsümü qulluq göstərilməsi və daimi su təchizatı ilə təmin olunması, yaşıllıq sahələrinin genişləndirilməsi, yeni yaşıllıq zolaqlarının salınması və bitkilərin bərpası üçün yeni tinglərin hazırlanması işləri yüksək səviyyədə və vaxtlı-vaxtında yerinə yetirilir.
      Hazırda QSC-nin Torpaqların Rekultivasiyası Departamentinin 1-ci sahəsinin işçiləri “Azneft” İB-nin “Abşeronneft”  və H.Z.Tağıyev adına NQÇİ-lərin mədən ərazilərində ümumilikdə 17 min 944 ədəd müxtəlif növ ağac, bəzək  kollarına və TRD-nin inzibati binasının ərazisində (A-4 Zığ sahəsi) isə 4 min 553 ədəd ağaca yüksək səviyyədə aqrotexniki xidmət göstərirlər. 
      QSC-nin əməkçilərinin göstərdiyi yüksək  səviyyəli  aqrotexniki xidmətlər və yaşıllıq sahələrinin damcı suvarma  sistemi ilə təmin edilməsi nəticəsində  bitkilərin normal inkişafı təmin edilmişdir.
      Bu ilin yaz mövsümündə sahələrdəki ağaclara, bəzək kollarına lazım olan üzvi və mineral gübrələr verilmiş, su ilə mütəmadi olaraq təmin olunmuş, budanmış, quruyan ağaclar yenisi ilə əvəz olunmuşdur.
      “Ekol Mühəndislik Xidmətləri” QSC-nin həyata keçirdiyi yaşıllaşdırma tədbirləri nəticəsində “Azneft” İB-nin “Abşeronneft”  və H.Z.Tağıyev adına NQÇİ-lərinin bir zamanlar neftlə çirklənmiş mədən əraziləri hal-hazırda yaşıllıqlara bürünmüş və ərazinin ekoloji vəziyyəti xeyli dərəcədə yaxşılaşdırılmışdır.