|
Aprelin 22-də SOCAR-ın “Ətraf mühitin mühafizəsi üzrə 2017-ci ilin “Tədbirlər Planı"na uyğun olaraq, Şirkətin bütün fəaliyyət sahələrində iməciliklər keçirilir, abadlıq və yaşıllaşdırma işləri yerinə yetirilir.
Bu tədbirlər çərçivəsində "Ekol Mühəndislik Xidmətləri" QSC-nin istehsalat sahələrində də iməcilik keçirilmişdir. İməcilikdə kollektivin çoxsaylı nümayəndələri iştirak etmiş və tədbir QSC-nin xidmət göstərdiyi sahələrində, o cümlədən SOCAR-ın H.Əliyev adına Neft Emalı Zavodunun 9-cu sahəsində, Qaz Emalı Zavodunun ərazisində, Ekologiya İdarəsinin Tullantı Mərkəzində və “Azneft” İB-nin “Abşeronneft”, “BibiHeybətneft”, H.Z.Tağıyev adına NQÇİ-nin mədən ərazilərindəki yaşıllıq sahələrini əhatə etmişdir.
İməcilik zamanı istehsalat sahələrində təmizlik və abadlıq işləri aparılmış, eyni zamanda yanğın təhlükəsizliyinin təmin edilməsi məqsədilə mexaniki təmizləyici qurğuların ətrafı alaq otlarından təmizlənmiş və tullantılar sahədən kənarlaşdırılmışdır.
"Ekol Mühəndislik Xidmətləri" QSC-də iməciliyin aprel ayının növbəti şənbə günündə də keçirilməsi nəzərdə tutulmuşdur.
tarix : 22.04.2017
|
ana səhifə
Satınalma
əlaqə
Futzal
Alternativ Enerji
Bu maraqlıdır
