İstehsalat zəruriyyəti ilə əlaqədar olaraq, “Ekol Mühəndislik Xidmətləri” QSC işçilərinin peşəkarlıq səviyyəsinin artırılması, iş təcrübələrinin yüksəldiməsi ilə bağlı SOCAR-ın Təlim Tədris və Sertifikatlaşdırma İdarəsi ilə bağlanmış müqaviləyə əsasən Təlim-tədris mərkəzinin mütəxəssiləri tərəfindən kurslar təşkil edilmişdir.
Təlimatlandırma kurslarında Tullantı Mərkəzində qazma şlamı emal edən Almaniyanın “Econ İndustries” şirkətinin istehsalı olan, “Vacu Dry® 12,000” (A) qurğusunda çalışan mütəxəssislər iştirak edirlər.
Bu məqsədlə Təlim-tədris mərkəzində “Tullantıların idarə olunması” mövzusunda keçirilən təlimlərdə istehsalat prosesində əmələ gələn tullantıların inventarlaşdırılması, sahələrdə yaranan tullantılara dair məlumatların toplanması, tullantıların daşınması (dənizdə, quruda) və saxlanması qaydaları, istehsalat sahələrində əmələ gələn tullantıların idarə edilməsi prosesinin monitorinqinin keçirilməsi, ümumi və təhlküəli tullantılatın qablaşdırılması, onların daşınması haqqında nəzəri biliklər dinləyicilərə çatdırılır.
Təlimlər 27.04.2017- ci il tarixindən 03.05.2017-ci il tarixədək davam edəcəkdir.
tarix : 27.04.2017
|