SOCAR-ın “Ətraf mühitin mühafizəsi”nin 2017-ci il üçün “Tədbirlər planı”na uyğun olaraq, aprelin
1-dən başlayaraq hər həftənin şənbə günü “Ekol Mühəndislik Xidmətləri” QSC-də iməciliklər təşkil olunur. Növbəti iməcilik isə aprelin 29-da keçirilmişdir. İməciliyə QSC-nin kollektivinin çoxlu sayda üzvləri qatılmışlar.
İməcilikdə QSC-nin (Heydər Əliyev adına NEZ-nun 9-cu sahəsi) istehsalat sahələrindəki mexaniki təmizləyici qurğuların ətrafındakı sahələr alaq otlarından təmizlənmiş və sahədən kənarlaşdırılmışdır. Eyni zamanda istehsalat sahələrindəki yaşıllıqlara mövsümü qulluq göstərilmiş, ərazilərdə kifayət qədər təmizlik və abadlıq işləri yerinə yetirilmişdir.
İməcilik QSC-nin bütün istehsalat sahələrini, o cümlədən xidmət göstərdiyi SOCAR-ın Qaz Emalı Zavodu, Ekologiya İdarəsinin Tullantıların Mərkəzi və “Azneft” İB-nin “BibiHeybətneft”, “Abşeronneft” və H.Z.Tağıyev adına NQÇİ-nin ərazilərini əhatə etmişdir.
tarix : 01.05.2017
|