2016-cı ili uğurlu nailiyyətlərlə başa vurmuş “Ekol Mühəndislik Xidmətləri” QSC-nin Tullantıların Emalı Departamenti (TED) 2017-ci ilin I rübündə də müsbət nəticələr əldə etmişdir. Ötən ildə olduğu kimi TED cari ilin I rübündə "Sifarişçi" təşkilatların müqavilə öhdəliklərini müvəffəqiyyətlə yerinə yetirmişdir.
I rübdə Heydər Əliyev adına NEZ-dan TED-nin 6-cı sahəsinin (NEZ-in 9-cu sahəsinin ərazisi) mexaniki təmizləyici qurğularına daxil olan 3 milyon 527 min m3-dən çox sənaye çirkab suları neft məhsullarından və mexaniki qarışıqlardan (yanvar ayında 1 183 161 m3, fevral ayında 1 111 546 m3, mart ayında isə 1 232 331 m3) təmizlənmişdir. Rüb ərzində TED-nin 3-cü sahəsinə “AAS-EKOL” MMC-dən müqavilə əsasında daxil olan 38,82 ton ərsin parafini sudan və mexaniki qarışıqlardan ayrılmışdır. TED-in 4 və 6-cı sahələrində rüb ərzində texnoloji proseslər nəticəsində formalaşan 5 min 936 tona qədər neftşlam müasir texnologiyalarla emal edilərək zərərsizləşdirilmişdir. Ötən üç ayda TED-nin 4-cü sahəsində də (Heydər Əliyev adına NEZ-in 9-cu sahənin ərazisi) işlər yüksək səviyyədə təşkil olunmuşdur. Bu müddət ərzində 4-cü sahədə 613 000 m3-ə qədər sənaye çirkab suları (yanvar ayında 208 000 m3, fevral ayında 208 000 m3, mart ayında isə 197 000 m3) təmizlənmişdir. QSC-nin 4-cü sahəsində 1399 ton neftşlam emal edilərək zərərsizləşdirilmişdi. 2017-ci ilin I rübündə TED müqavilə əsasında SOCAR-ın Qaz Emalı Zavodu, Ekologiya İdarəsi, Dövlət Xəzər Dəniz Gəmiçiliyi QSC, və İxtisaslaşdırılmış Dəniz Neft Donanma İdarəsi,“Surakhany Oil Operation Company S.A.”, “AA Services”, “AAS-ATE” MMC, “AAS-EKOL” MMC, və s. “Sifarişçi” təşkilatlara yüksək səviyyədə xidmət göstərmişdir. Rüb ərzində bu təşkilatlardan qəbul edilmiş 492 ton şlam, 5 min 577 m3 yağlı su, 17,7 ton yağlı torpaq, 862 m3 döşəməaltı-lyal axıntı suları, 4 min 578 m3 mədən axıntı suları və digər tullantılar mexaniki üsullarla emal olunaraq zərərsizləşdirilmişdir. Bununla yanaşı, TED I rübdə “Kompleks Qazma İşləri” tresti ilə olan müqaviləyə əsasən həmin ərazidən 545 m3 çirkab suları və 100 m3 yağlı su “Ekol Mühəndislik Xidmətləri” QSC-nin istehsalat sahələrinə daşınaraq email edilmiş və 492 ton qazma şlamı SOCAR-ın Ekologiya İdarəsinin Tullantı Mərkəzinə daşınaraq təhvil verilmişdir. 2017-ci il ərzində “Sifarişçi” təşkilatlara yüksək səviyyədə xidmət göstərilməsi və istehsalatın fasiləsizliyinin təmin edilməsi üçün TED zəruri tədbirləri həyata keçirilməsinə başlamışdır. QSC-nin TED hazırda müxtəlif növ tullantıların idarə olunması, emal edilməsi və zərərsizləşdirlməsi sahəsində fəaliyyətini texnoloji reqlamentə uyğun və yüksək templə davam etdirir.
tarix : 03.05.2017
|