|
10 may 2017-ci il tarixində Türk Standartları İnstitutunun (TSİ) Azərbaycandakı təmsilçiləri tərəfindən QSC-də növbəti xarici auditin keçirilməsinə başlanmışdır. Cəmiyyətin baş ofisində keçirilən auditin açılış toplantısında rəhbərlik, departament və şöbə rəisləri, həmçinin TSİ-nun Azərbaycandakı təmsilçisi Səlim Çelebi, baş auditor Xatirə Salahova iştirak etmişlər. QSC-nin Baş direktoru Ramil Əliyev TSİ-nin təmsilçilərini səmimi salamlayaraq ötən dövr ərzindəki fəaliyyət barədə onlara ətraflı məlumat verdi. Daha sonra Ekoloji Monitorinq Departamentinin rəis müavini rəhbərliyin təmsilçisi Natella Şəfiyeva öz çıxışında ötən xarici audit nəticəsində verilmiş tövsiyyələrin aradan qaldırılması, daxili auditin müştəri tələbləri və məmnunluğu barəsində ətraflı məlumat verdi.
TSİ-nun Azərbaycan üzrə təmsilçisi Səlim Çelebi səmimi qəbula görə minnətdarlığını bildirmiş və qeyd etmişdir ki, “Ekol Mühəndislik Xidmətləri” QSC Azərbaycanda İSO 9001, İSO 14001 və OHSAS 18001 BİS-ni qəbul edən və onun tələblərini uğurla həyata keçirən nümunəvi şirkətlərdən biridir. O, Beynəlxalq Standartlar sahəsində QSC-də görülən işlərdən və əvvəlki auditin nəticələrindən razı qaldıqlarını vurğulayaraq, keçiriləcək növbəti xarici auditin də müsbət nəticələrlə başa çatacağına əminliyini bildirmişdir. Baş direktor Ramil Əliyev TSİ-nun təmsilçilərinə uğurlar arzulamış, auditin şəffaf və işgüzar şəraitdə keçirilməsi üçün hərtərəfli şərait yaradıldığını diqqətə çatdırdı. Xarici audit QSC-nin struktur bölmələri əhatə olunmaqla may ayının 10-dan 12-dək keçirilməsi nəzərdə tutulmuşdur.
tarix : 11.05.2017
|
ana səhifə
Satınalma
əlaqə
Futzal
Alternativ Enerji
Bu maraqlıdır
