"Ekol Mühəndislik Xidmətləri" QSC-nin xidmət sahələrində texnoloji proseslərin fasiləsizliyinin təmin edilməsi, qurğu və avadanlıqların daim işlək vəziyyətdə olması məqsədilə, Elektromexanika sexi əvvəlki illərdə olduğu kimi cari ilin müvafiq dövründə də məqsədyönlü fəaliyyət göstərmişdir.
2017-ci ilin I rübündə Elektromexanika sexinin kollektivi tərəfindən Tullantıların Emalı Departamentinin 3-cü, 4-cü, 5-ci, 6-cı sahələrində (Heydər Əliyev adına NEZ-in 9-cu sahəsi) yüksək səviyyədə təmir işləri aparılmışdır. Belə ki, “Alfa Laval” dekanter qurğusunda olan bütün nasoslar əsaslı təmir edilmiş eləcədə, Fox-15 qurğusunun separatoru təmir edilmiş, qurğu yeni su təchizatı sistemilə təmin olunmuşdur. I rüb ərzində Tullantıların Emalı Departamentinin 6-cı sahəsində fəaliyyət göstərən A-2 qəza anbarının ətrafına yanğından mühafizə üçün köpük xətləri çəkilərək quraşdırılmış, təhlükəsizlik qaydalarına əməl olunaraq istifadəyə verilmiş, parafin sahəsindəki qızdırıcı sobanın zədələnmiş və siradan çıxmış hissələri yeniləri ilə əvəz olunmuşdur. 1 saylı qəza anbarın ətrafına qoruyucu çəpər quraşdırılmışdır. 1 saylı nefttutucuda sıradan çıxmış beton panel örtükləri metal konstruksiyalı örtüklərlə əvəz olunmuş, Börger nasosu və Faset qurğusunda olan bütün nasoslar əsaslı təmir edilmişdir. Sahələrdə buxar təchizatı xəttində olan nasazlıqlar aradan qaldırılmış, “BibiHeybət” sahəsindəki istixananın havalandırma sistemi yenidən bərpa edilmişdir. Cəmiyyətin ərazisində olan bütün yarımstansiyalar, EPQ-lər və elektrik birləşmə məntəqələri mütəmadi olaraq təftiş olunur, mexaniki təmizlənir. Qazanxanalar və qazanlar, su, qaz və hava xətləri (birləşmələr) yoxlanılır, cəmiyyətin fasiləsiz iş rejimi enerji daşıyıcıları ilə daim təmin olunur. Elektromexanika sexinin işçiləri üzərinə düşən vəzifə borclarını layiqincə yerinə yetirirlər.
tarix : 17.05.2017
|