Əlverişli ekoloji mühitin yaradılması istiqamətində ardıcıl və məqsədyönlü tədbirlər keçirən “Ekol Mühəndislik Xidmətləri” QSC-nin həyata keçirdiyi layihələrdən biri də, reabilitasiya olunmuş mədən ərazilərində yay mövsümü ilə əlaqədar yaşıllıqların salınması, əkilmiş bəzək kolları və ağaclara aqrotexniki xidmətlərin göstərilməsidir.
Kollektivin bu istiqamətdə gördüyü işlər, həyata keçirdiyi tədbirlər böyük perspektivlərdən xəbər verir və ekoloji durumun daha da yaxşılaşdırılmasına xidmət edir. Bu məqsədlə, tədbirlər planına uyğun olaraq QSC-nin Torpaqların Rekultivasiya Departamentinin (TRD) təcrübəli mütəxəssisləri tərəfindən xidmət göstərilən SOCAR-ın H.Əliyev adına NEZ-nun 9-cu sahəsi, Qaz Emalı Zavodunun istehsalat sahəsi, “Azneft” İB-nin “BibiHeybətneft”, “Abşeronneft”, H.Z. Tagıyev adına NQÇİ-lərin və TRD-nin inzibati binasının yerləşdiyi (A-4 Zığ) yaşıllıq sahələrində yay mövsümü işləri aparılır, müxtəlif növ ağac, bəzək kollarının və güllərin dibləri boşaldılır, alaq otlardan təmizlənir, suvarma işləri və aqrotexniki xidmətlər göstərilir. Ekoloji vəziyyətin yaxşılaşdırılmasında və insan sağlamlığının qorunmasında yaşıllıqların roluna böyük önəm verən “Ekol Mühəndislik Xidmətləri” QSC bu sahəni fəaliyyətinin əsas tərkib hissəsi kimi qəbul edərək bundan sonra da bütün zəruri tədbirlərin həyata keçirilməsini qarşısına məqsəd qoymuşdur.
tarix : 21.06.2017
|