|
Azərbaycan öz dövlət müstəqilliyini bərpa etdikdən sonra, Ramazan bayramı ölkəmizdə Milli Məclisin qəbul etdiyi 1992-ci il 27 oktyabr tarixli “Azərbaycan Respublikasının bayramları haqqında” qanuna əsasən dövlət səviyyəsində qeyd olunmağa başlanmışdır.
Ramazan bayramı dinimizdə ən fəzilətli və müqəddəs bir aydır. Bu ay insanlara Allahı sevməyi öyrədir, onlara öz iradəsini, dözümünü yoxlamaq imkanı verir, insanları gözüaçıq, təmiz vicdanlı olmağa yönəldir və bunlar orucla ifadə olunur.
Bütün müsəlman dünyasının, eləcə də xalqımızın ən əziz bayramlarından biri olan 11 ayın sultanı Ramazan ayı başa çatır. İyun ayının 26 və 27-si Ramazan bayramı dünya müsəlmanları tərəfindən və müstəqil ölkəmizdə böyük sevinc, ruh yüksəkliyi ilə qeyd olunur.
Bu müqəddəs bayram münasibətilə “Ekol Mühəndislik Xidmətləri” QSC-nin baş ofisində və xidmət sahələrində tədbirlər keçirilmişdir. Tədbirdə çıxış edənlər, Baş direktor Ramil Əliyev, istehsalat üzrə müavin-Texniki direktor Məzahir Hüseynov, ümumi işlər üzrə müavin İsrafil Əliyev, SƏTƏM üzrə müavin Eldəniz Həsənli və İqtisadiyyat və Uçot İdarəsinin rəisi Əli Bağış cəmiyyət üzrə oruc tutan işçiləri Ramazan bayramı münasibəti ilə təbrik etdilər. Arzu etdilər ki, etdikləri niyyətlər, dualar və ibadətlər Uca Allah tərəfindən qəbul edilsin. Oruc tutan bütün işçilərə bayram sovqatı paylandı. Tədbirlərin sonunda tədbir iştirakçıları, onlara göstərilən diqqət və qayğıya görə QSC rəhbərliyinə öz minnətdarlıqlarını bildirdilər.
tarix : 23.06.2017
|
ana səhifə
Satınalma
əlaqə
Futzal
Alternativ Enerji
Bu maraqlıdır
