|
QSC-nin əsas fəaliyyət sahələri ilə yanaşı, xidmət sahələrində əsaslı təmir, yenidənqurma və abadlaşdırma işlərinə də xüsusi diqqət yetirilir. Bu məqsədlə xidmət sahələrindəki inzibati, məişət və yardımçı binalarda mütəmadi olaraq təmir işləri aparılır. Ərazilərin abadlaşdırılması, yaşıllaşdırılması, bəzək və gül kollarına, müxtəlif növ ağaclara, şitillərə qulluq edilməsi ilə əlaqədar məqsədyönlü tədbirlər həyata keçirilir.
Bu tədbirlərin həyata keçirilməsində İnzibati Təsərrüfat şöbəsinin kollektivinin əməyi xüsusilə təqdirə layiqdir. Ötən aylarda olduğu kimi 2017-ci ilin avqust ayında da İnzibati Təsərrüfat şöbəsinin əməkçiləri QSC-nin baş ofisində, Tullantıların Emalı Departamentinin 3,4,5,6-cı sahələrində (H.Əliyev adına NEZ-nun 9-cu sahəsinin ərazisi) yerləşən xidmət sahələrində təmir-tikinti, abadlıq və yaşıllaşdırma işlərini keyfiyyətlə yerinə yetirmişlər.
Belə ki, İnzibati Təsərrüfat şöbəsi QSC-nin xidmət sahələrinin yaşıllaşdırılmasına da xüsusi önəm vermişdir. Odur ki, yaşıllıq sahələrinin genişləndirilməsi, mövcud yaşıllıqlara, 2500-ə qədər bəzək və gül kollarına, 1320-ə qədər müxtəlif ağac növlərinə, şitillərə aqrotexniki xidmətlərin göstərilməsi istiqamətində əsaslı işlər görmüşlər.
Bununla yanaşı, İnzibati Təsərrüfat şöbəsinin xarrat sexində Torpaqların Rekultivasiya Departamentinin sifarişinə əsasən ağacların küləkdən qorunması üçün 800-ə yaxın dayaqlar hazırlanmışdır.
Hazırda bu şöbənin kollektivi xidmət sahələrinin təmir-tikinti, abadlıq və yaşıllaşdırılması sahəsində məqsədyönlü fəaliyyətlərini davam etdirir.
tarix : 12.09.2017
|
ana səhifə
Satınalma
əlaqə
Futzal
Alternativ Enerji
Bu maraqlıdır
