SOCAR-ın neft-qaz sənayesi sahələrində ekoloji problemlərin həlli və ətraf mühitin mühafizəsi sahəsində həyata keçirdiyi məqsədyönlü tədbirlər nəticəsində uğurlu nailiyyətlər əldə edilmişdir. Bu nailiyyətlər sırasında “Ekol Mühəndislik Xidmətləri” QSC-nin gördüyü işlər payız mövsümü ilə əlaqədar xidmət sahələrində reabilitasiya olunmuş ərazilərdə mövcud olan yaşıllıq zolaqlarına, əkilmiş ağac və bəzək kollarına aqrotexniki xidmətlərin göstərilməsi, yeni yaşıllıq zolaqlarının salınması, ağacların əkilməsi və onların inkişaf etdirilməsindən ibarətdir.
Hazırda QSC-nin Torpaqların Rekultivasiya Departamentinin kollektivi payız mövsümünün gəlişi ilə əlaqədar SOCAR-ın Qaz Emalı Zavodunun, “Azneft” İB-nin “Bibiheybətneft” NQÇİ-nin, “Abşeronneft” NQÇİ-nin, H.Z.Tağıyev adına NQÇİ-nin reabilitasiya olunmuş mədən ərazilərində ümumilikdə 55,69 ha sahədə 96031 ədəd müxtəlif növ ağaclara, bəzək kollarına, güllərə, yeni salınmış və mövcud olan yaşıllıqlara yüksək səviyyədə aqrotexniki xidmətlər göstərir, mövsümü işlər aparırlar. Mövsümü işlərlə yanaşı qışa hazırlıq məqsədilə sahələrdəki inzibati, məişət və yardımçı binalarda, həyətyanı sahələrdə cari və əsaslı təmir işləri görülməyə başlanmışdır. Hazırda ərazilərdə yaşıllıq sahələrinin genişləndirilməsi və bitkilərin mühafizəsi istiqamətində tədbirlər davam etdirilir.
|