“Ekol Mühəndislik Xidmətləri” QSC öz fəaliyyətini qəbul etdiyi İSO 9001, İSO 14001 və OHSAS 18001 Beynəlxalq İdarəetmə Standartlarının tələblərinə əsasən qurmuş və bu istiqamətdə davamlı olaraq öz fəaliyyətini həyata keçirir.

      Bu tədbirlər çərçivəsində təsdiq olunmuş qrafik və mövzuya uyğun olaraq 16.10.2017-ci il tarixindən başlayaraq QSC-nin baş ofisində və sahələrdə “İSO 9001-2015 keyfiyyət idarəetmə sistemi”nin yeni versiyası və “Fəaliyyətə risk yönümlü yanaşma” mövzusunda maarifləndirmə keçirilmişdir.
       Giriş sözü ilə Baş direktorun SƏTƏM üzrə müavini Eldəniz Həsənli çıxış etmişdir.
     Tədbirdə “İSO 9001-2015 keyfiyyət idarəetmə sistemi” mövzusu haqqında Ekoloji Monitorinq Departamentinin (EMD) rəis müavini Natella Şəfiyeva geniş məlumat vermiş və keyfiyyət idarəetmə sisteminin yeni versiyasında edilən dəyişikliklər, risk yönümlü yanaşma, müəssisənin konteksti barədə məlumat vermişdir.
      Daha sonra Texniki təhlükəsizlik şöbəsinin rəisi Səbuhi Veysəlov “Fəaliyyətə risk yönümlü yanaşma” mövzusunda çıxış etmiş, iş yerində risklərin aradan qaldırılması, risklərin qiymətləndirilməsi və qəzalardan necə qorunmaq haqqında geniş maarifləndirmə aparmışdır.
      Hər iki maarifləndirici mövzu haqqında tədbirin sonunda video çarx göstərilmişdir. Video çarxın gedişatı haqqında maarifləndirməni EMD-nin ekoloqu Ceyhun Əsgərov aparmışdır.
      Maarifləndirici tədbirlər 23.10.2017-ci il tarixinədək davam edəcəkdir.

tarix : 19.10.2017