“Ekol Mühəndislik Xidmətləri” QSC-nin Nəqliyyat sexi 2017-ci ilin III rübündə üzərinə düşən vəzifə öhdəliklərini vaxtında və keyfiyyətlə yerinə yetirərək rübü uğurla başa vurmuşdur. Sexin istifadəsində olan minik və yük avtomobilləri eləcə də xüsusi təyinatlı texnikalar vasitəsilə QSC-nin həyata keçirdiyi ekoloji layihələrin icrasında yaxından iştirak edərək öz layiqli töhvələrini vermişdir.
2017-ci ilin III rübü ərzində Nəqliyyat sexi tərəfindən təmin edilmiş nəqliyyat vasitələri və xüsusi təyinatlı texnikalar vasitəsi ilə SOCAR-ın Ekologiya İdarəsindən 690 m3 axıntı çirkab suları, “Suraxanı OYL Opereyşn” Kompani S.A şirkətinin mədən ərazilərindən 5894 m3 mədən axıntı suları, “Azərbaycan Xəzər Dəniz Gəmiçilik” Dəniz Neft Donanma İdarəsinin ərazisindən 846 m3 , “Bibiheybət” Gəmi Təmiri Zavodundan 76 m3 axıntı çirkab sularının daşınması işləri həyata keçirilmişdir. Həmçinin su daşıyan nəqliyyat vasitəsilə QSC-nin Torpaqların Rekultivasiyası Departamentinin (TRD) xidmət göstərdiyi A-4 (Zığ sahəsi) yaşıllıq sahəsinin suvarılmasına 930 m3 , TED-nin Dübəndi sahəsinə 30 m3 , İnzibati binaların ərazisindəki yaşıllıq sahələrinin suvarılması üçün 40 m3 su daşınmışdır. TRD-nin 1-ci sahəsi üzrə yaşıllıqların suvarılmasına 354 m3 su verilmiş, sahəyə 16 m3 peyin, ağac və müxtəlif kollar daşınmışdır. TRD-nin 2-ci sahəsindən 30 m3 çirkab su çəkilmiş, 40 m kanal qazılmış, sahədən 112 m3 tullantı və daş kənarlaşdırılmışdır. Qazel avtomobilləri ilə TRD-nin, TED-nin istehsalat sahələrinə və xidmət göstərdiyimiz SOCAR-ın Ekologiya İdarəsinin Tullantı Mərkəzinə davamlı olaraq mal-materiallar, istehsalat avadanlıqları daşınmışdır. Eləcə də TED-nin 4-cü, 5-ci və 6-cı (H.Əliyev adına NEZ-in 9-cu sahəsi) sahələrində fəaliyyət göstərən “Alfa Laval” şirkətinin dekanter qurğusunda iş prosesi nəticəsində formalaşan torpaqlar yükləyici, özüboşaldan nəqliyyat və texnikaların köməyi vasitəsi ilə xüsusi ərazilərə daşınmışdır. “Ekol Mühəndislik Xidmətləri” QSC-nin xidmət göstərdiyi bütün sahələr üzrə nəqliyyat və xüsusi texnikalar təlabata uyğun təmin edilmişdir. III rüb ərzində nəqliyyat vasitələri mövsümü rejimdə işləmələri üçün lazımi ehtiyat hissələri, sürtgü materialları, yol vərəqələri və texniki baxışdan vaxtı-vaxtında keçmələri təmin olunmuşdur. Hərəkətin təhlükəsizliyini təmin etmək məqsədilə qabaqlayıcı tədbirlər görülmüş, sürücülərə vaxtaşırı təlimlər keçirilmişdir. Nəqliyyat sexinin kollektivi qalan rüblərdə də QSC-də istehsalatın fasiləsizliyinin təmin edilməsi və ekoloji layihələrin həyata keçirilməsi üçün yüksək səviyyəli texniki xidmətlərin göstərilməsini bir vəzifə olaraq qarşıya məqsəd qoymuşdur.
tarix : 16.11.2017
|