Qış mövsümündə tədbirlər planına uyğun olaraq TED-nin 3-cü, 4-cü, 5-ci və 6-cı sahələrində su və buxar xətlərində, çənlərdə, siyirtmələrdə donmanın qarşısını almaq məqsədilə izolyasiya işləri, eləcə də təmizləyici qurğularda, qazanxanada, nasoslarda, elektrik təsərrüfatlarında profilaktiki təmir işləri yerinə yetirilmişdir.
TED-nin 3-cü (Parafin təmizləmə) sahəsindəki (H.Əliyev adına NEZ-nun 9-cu sahəsi) məişət binasının dam örtüyündə cari təmir işləri aparılmış, TED-nin 4 –cü sahəsində istehsalat zərurəti nəticəsində toplanmış şlam ərazisindən kənarlaşdırılmışdır.
Görülən tədbirlər çərçivəsində əhəmiyyətli işlərdən biri də TED-nin 6-cı sahəsində (H.Əliyev adına NEZ-nun 9-cu sahəsi) mexaniki təmizləyici qurğular sisteminə daxil olan çökdürücü göllər yığılmış neftşlam və mexaniki qarışıqlardan təmizlənmiş, 2 saylı qumtutucuda işçilərin təhlükəsizliyini nəzərə alaraq yararsız vəziyyətə düşmüş ayaq altıları yenisi ilə əvəz olunmuşdur. 5-ci sahənin ərazisində 1 saylı qəza anbarında istehsalat zamanı toplanan suyu vaxtında sahədən kənarlaşdırmaq üçün 19 və 20 saylı nasoslara əlavə 200 mm boru xətti birləşdirilmişdir.
QSC-nin “Çənlər parkı” adlanan sahədə istifadə olunan 901, 902, 903, 904, 905 və 906 saylı çənlərin eləcə də, istahsalat sahələrindəki bütün ötürücü xətlərdə təyinatına uyğun olaraq rəngləmə işləri həyata keçirilir.
TED-nin işçiləri tullantıların idarəolunması, xidmət sahələrində texnoloji proseslərin fasiləsizliyinin təmin edilməsi və keyfiyyətin yaxşılaşdırılması məqsədilə, qurğu və avadanlıqların saz vəziyyətdə işləməsi, həmçinin texnoloji reqlamentə dəqiq əməl olunması sahəsində mütəmadi olaraq məqsədyönlü tədbirlər həyata keçirir.