Maarifləndirmədə Baş direktorun SƏTƏM üzrə müavini Eldəniz Həsənli, Departament, şöbə rəisləri və sənədləşmə ilə əlaqədar olan işçilər iştirak etmişlər.

SƏTƏM üzrə Baş direktorun müavini çıxış edərək “Ekol Mühəndislik Xidmətləri” QSC-də İSO 9001-2015 versiyasının tələblərinin tətbiqi ilə əlaqədar olaraq bir sıra sistem sənədlərinin aktuallaşması, prosedurda beynəlxalq İSO 9001 “Keyfiyyət Menecmenti Sistemi-Tələbləri” (KMST) standartı və Azərbaycan Respublikası Prezidentinin Fərmanı ilə təsdiq edilmiş “Dövlət hakimiyyəti orqanlarında, idarə, müəssisə və təşkilatlarda kargüzarlığın aparılmasına dair” təlimata istinadlar haqqında məlumat verdi.

Daha sonra Ekoloji Monitorinq Departamentinin rəis müavini Natella Şəfiyeva maarifləndirmə ilə bağlı Cəmiyyətdə inteqrəedilmiş menecment sistemlərinin yaxşılaşdırılması, effektiv fəaliyyət üçün tələb edilən Sənədləşdirilmiş İnformasiyanın (Sİ) işlənib hazırlanması, razılaşdırılması, təsdiq edilməsi və onların aktuallığının izlənməsi prosesini tənzimləmək məqsədilə  “Sənədləşmiş İnformasiyaya Nəzarət”(SİN) prosedurunun hazırlanması haqqında geniş məlumat verdi.

Keçirilən maarifləndirmədə ən başlıca məqsəd yeni hazırlanmış “Sənədləşmiş İnformasiyaya Nəzarət” prosedurundakı alqoritmik təsvirlə, həmçinin “Ekol Mühəndislik Xidmətləri” QSC-də Kargüzarlıq və İcraya nəzarətə aid olan mühüm tələblərlə iştirakçıları tanış etmək olmuşdur.

Tədbirin sonunda “Sənədləşmiş İnformasiyaya Nəzarət”(SİN) prosedurunun prezentasiyası keçirilmişdir.