Baş direktorunun SƏTƏM üzrə müavini Eldəniz Həsənli öz çıxışında "Ümumdünya Əməyin Mühafizəsi Günü" ilə əlaqədar QSC üzrə həyata keçirilən tədbirlər, sağlam və təhlükəsiz əmək şəraitinin təmin olunmasına yönəldilmiş təşkilatı, texniki və sanitar-profilaktiki işlər haqqında geniş məlumat vermiş, bu məsələnin daim diqqət mərkəzində olduğu xüsusilə vurğulamışdır.
Texniki təhlükəsizlik şöbəsinin rəisi Səbuhi Veysəlov öz çıxışında QSC-nin Əməyin mühafizəsi üzrə Daimi Fəaliyyət göstərən Komissiyanın fəaliyyətindən danışmış, bu sahədə görülən müsbət işlərlə yanaşı mövcud nöqsanlar və onların aradan qaldırılması istiqamətində həyata keçirilən tədbirlər barədə geniş məlumat vermişdir. O, qeyd etmişdir ki, “Xüsusən həssas təbəqə-gənc işçilərdir” devizi altında QSC-də bir sıra tədbirlərin həyata keçirilməsi nəzərdə tutulur ki, bu tədbirlərdə də işçilərin iştirakı maksimum dərəcədə təmin ediləcəkdir.
Tədbirin sonunda əməyin mühafizəsi sahəsində göstərdikləri yüksək peşəkarlığa görə, Texniki təhlükəsizlik şöbəsinin rəisi Veysəlov Səbuhi, Tullantıların Emalı Departamentinin növbə rəisi Qasımov Namiq, İnzibati Təsərrüfat şöbəsinin aşpazı Xankişiyeva Zəkiyyə, Elektromexanika sexinin çilingəri Yağıyev Şərafəddin, Tullantı Mərkəzinin təmizləyicisi Abdulrzayev İlqar QSC rəhbərliyinin “Təşəkkürnamə”si ilə təltif olunmuşlar.
Tədbirin sonunda “Təşəkkürnamə” alan işçilər onların əməyinə verilən qiymətə, diqqət və qayğıya görə cəmiyyətin rəhbərliyinə öz minnətdarlıqlarını bildirmişlər.