Turnirin açılışında rəhbərlik və turnir iştirakçıları Ümummilli lider Heydər Əliyevin əziz xatirəsini bir dəqiqəlik sükutla yad etmişlər. Turnirdə Baş direktorun SƏTƏM üzrə müavini Eldəniz Həsənli və Həmkarlar İttifaqı Komitəsinin sədri Əli Ələkbərov turnir iştirakçılarına yarışda uğurlar arzulamışlar.
Sonra iştirakçılara yarışın şərtləri izah edilmiş və turnirə start verilmişdir. Gərgin mübarizə şəraitində keçən turnirin final mərhələsində 1, 2 və 3-cü yerlərin qalibləri müəyyən edilmişdir.
Turnirdə 1-ci yeri İnzibati təsərrüfat şöbəsində suvaqçı işləyən Həsənov Sənani, 2-ci yeri Texniki təhlükəsizlik şöbəsində mühəndis işləyən Veyisov Əjdər, 3-cü yeri isə Elektromexanika sexinin qazanxana operatoru Şükürov Əsəd tutmuşlar.
Sonda qaliblərə xüsusi diplom və pul mükafatları təqdim olunmuş və xatirə şəkili çəkilmişdir.