Çıxış sözü ilə tədbiri açıq elan edən Baş direktor Ramil Əliyev tədbir iştirakçılarını salamladı. Sonra Ümummilli lider Heydər Əliyevin əziz xatirəsi bir dəqiqəlik sükutla yad edildi, həyat və fəaliyyətini əks etdirən video çarx nümayiş etdirildi.

Daha sonra Ramil Əliyev çıxışını davam etdirərək Ümummilli lider Heydər Əliyevin müstəqilliyimizin əldə edilməsində, suverenliyimizin qorunub saxlanılmasında, respublikamızın iqtisadi qüdrətinin yüksəldilməsi istiqamətində gördüyü işlərdən və onun həyatımızın bütün sahələrindəki fəaliyyətindən danışdı.

Digər çıxış edən natiqlər Heydər Əliyevin siyasi fəaliyyətinin əsas missiyası Azərbaycanın düşdüyü bəlalardan xilas etmək və dövlətçiliyimizin qorunub saxlanılmasını qeyd etdilər. Bu gün Azərbaycan Respublikasının Prezidenti İlham Əliyev tərəfindən Ümummilli liderin siyasi kursu uğurla davam etdirilir və bu uğurlu siyasət nəticəsində Azərbaycan, regionun ən inkişaf etmiş dövlətinə çevrilmişdir. Tədbir iştirakçıları inamla qeyd etmişlər ki, nə qədər ki, Müstəqil Azərbaycan dövləti var, Azərbaycan xalqı var Heydər Əliyev ürəklərdə yaşayacaqdır.